उद्धव ठाकरेंच्या युवासेनेच्या शिलेदारांची ‘निष्ठेची दहीहंडी’ ठाण्यात जल्लोषात साजरी
उद्धव ठाकरेंच्या युवासेनेच्या शिलेदारांची 'निष्ठेची दहीहंडी' ठाण्यात जल्लोषात साजरी
शिवसेना (उद्धव बाळासाहेब ठाकरे) युवासेनेचे राज्य विस्तारक राजेश वायाळ यांनी ठाण्यात अष्टविनायक चौकात आयोजित केलेल्या निष्ठेच्या दहीहंडीला ठाणे, नवी मुंबई व डोंबिवलीच्या ५० गोविंदा पथकांची उत्स्फूर्त सलामी.
सायली मेमाणे
पुणे ५ ऑगस्ट २०२५ : उद्धव ठाकरे यांच्या नेतृत्वाखालील शिवसेनेच्या युवासेनेचे महाराष्ट्र राज्य विस्तारक राजेश वायाळ (पाटील) यांनी ठाणे शहरात रविवारी निष्ठेची सराव दहीहंडी भव्य जल्लोषात पार पाडली. कोपरी परिसरातील अष्टविनायक चौकात झालेल्या या कार्यक्रमाला ठाणे, नवी मुंबई, डोंबिवली व आजूबाजूच्या परिसरातून तब्बल ५० गोविंदा पथकांनी उत्साहात सहभागी होत ‘निष्ठेची दहीहंडी’ला सलामी दिली. दहीहंडीच्या निमित्ताने ठाणे शहरात थरांचा थरार आणि गोविंदांच्या घोषणांनी आसमंत दुमदुमून गेला होता.
या सोहळ्यात युवासेना आणि शिवसेनेच्या कार्यकर्त्यांनी एकजुटीचा आणि संघभावनेचा परिचय दिला. गोविंदा पथकांनी सादर केलेले थर आणि त्यामागील कष्ट, मेहनत व समन्वय याची उपस्थितांनी टाळ्यांच्या कडकडाटात प्रशंसा केली. या दहीहंडीला केवळ उत्सव म्हणून नव्हे तर ‘निष्ठेच्या’ प्रतीक म्हणून साजरे करण्यात आले. कार्यक्रमाचे आयोजन केवळ सांस्कृतिक नव्हे तर राजकीय एकतेचे प्रतिक ठरले आहे.
राजेश वायाळ यांच्या नेतृत्वाखाली प्रथमच अशा प्रकारचा भव्य दहीहंडी सोहळा ठाण्यात पाहायला मिळाला. त्यांनी युवासेनेचे विचार, शिवसेना पक्षप्रमुख उद्धव ठाकरे यांची भूमिका, व कार्यकर्त्यांमध्ये एकनिष्ठा वाढवण्याचा प्रयत्न केला. कार्यक्रमाच्या माध्यमातून युवासेनेने सामाजिक सलोखा, कला आणि परंपरा यांचा संगम साधण्याचा प्रयत्न केला. उपस्थित नागरिकांनी आणि गोविंदा पथकांनी या उपक्रमाचे जोरदार स्वागत केले.
या दहीहंडी सोहळ्यात गोविंदा पथकांनी आपली कला सादर करताना सुरक्षिततेचे सर्व नियम पाळले गेले. आयोजकांकडून वैद्यकीय सुविधा, पिण्याच्या पाण्याची सोय, पोलीस बंदोबस्त आणि इतर आवश्यक बाबींची योग्य व्यवस्था करण्यात आली होती. कार्यक्रम यशस्वीपणे पार पाडण्यासाठी अनेक स्वयंसेवकांनी रात्रंदिवस मेहनत घेतली.
या कार्यक्रमाने ठाणे शहरात राजकीय, सांस्कृतिक आणि सामाजिक एकतेचा संदेश दिला. युवासेनेचा हा उपक्रम भविष्यातही ‘निष्ठेची दहीहंडी’ या नावाने लोकांच्या मनात घर करून राहील, असे नागरिकांनी सांगितले. यामुळे आगामी दहीहंडी उत्सवात देखील या कार्यक्रमाचे अनुकरण होण्याची शक्यता वर्तवली जात आहे.
