जनसुरक्षा कायदा विरोधी संघर्ष समितीची परिषद सुरु; शरद पवार, उद्धव ठाकरे यांची उपस्थिती
जनसुरक्षा कायदा विरोधी संघर्ष समितीची परिषद सुरु; शरद पवार, उद्धव ठाकरे यांची उपस्थिती
जनसुरक्षा कायदा विरोधी संघर्ष समितीची परिषद सुरु झाली असून शरद पवार, उद्धव ठाकरे आणि हर्षवर्धन सपकाळ यांच्या उपस्थितीत जनसुरक्षा विधेयकाचा विरोध का गरजेचा आहे यावर चर्चा होत आहे.
सायली मेमाणे
पुणे १४ ऑगस्ट २०२५ : पुणे – जनसुरक्षा कायदा विरोधी संघर्ष समितीची परिषद आज मोठ्या उत्साहात सुरु झाली आहे. या परिषदेला राष्ट्रवादी काँग्रेसचे अध्यक्ष शरद पवार, शिवसेना (उद्धव बाळासाहेब ठाकरे) पक्षप्रमुख उद्धव ठाकरे आणि सामाजिक कार्यकर्ते हर्षवर्धन सपकाळ यांची विशेष उपस्थिती होती.
या बैठकीत जनसुरक्षा विधेयकाबाबत सविस्तर चर्चा होत असून, या कायद्याचा सर्वसामान्य नागरिकांवर होणारा परिणाम आणि लोकशाहीच्या मूलभूत अधिकारांवर होणारा प्रभाव यावर मुद्देसूद मांडणी करण्यात येत आहे. संघर्ष समितीच्या नेत्यांनी सांगितले की, जनसुरक्षा विधेयकाचा काही कलमं नागरिकांच्या वैयक्तिक स्वातंत्र्य आणि अभिव्यक्ती स्वातंत्र्यावर घाला घालतात. त्यामुळे या विधेयकाचा विरोध करणे आवश्यक असल्याचे त्यांनी स्पष्ट केले.
शरद पवार यांनी आपल्या भाषणात म्हटले की, “हा कायदा लागू झाल्यास सरकारला अधिक अधिकार मिळतील, पण नागरिकांच्या हक्कांवर बंधने येतील.” उद्धव ठाकरे यांनीही जनतेला आवाहन केले की, “या कायद्याबाबत जागरूक व्हा आणि आपल्या अधिकारांसाठी लढा द्या.”
या परिषदेच्या माध्यमातून लोकांना कायद्याची संपूर्ण माहिती, त्यातील कलमं आणि त्याचे दुष्परिणाम समजावून सांगितले जात आहेत. संघर्ष समितीने पुढील काळात राज्यभर जनजागृती मोहीम राबवण्याचा निर्णय घेतला आहे.
