ठाणे महानगरपालिका निवडणुकीच्या पार्श्वभूमीवर ठाणेनगर पोलिसांचा भव्य रूट मार्च | Thane Election 2025

ठाणे महानगरपालिका निवडणूक 2025 च्या पार्श्वभूमीवर कायदा व सुव्यवस्था राखण्यासाठी ठाणेनगर पोलीस ठाणे हद्दीत पोलिसांचा भव्य रूट मार्च. नागरिकांमध्ये सुरक्षिततेची भावना निर्माण करण्यासाठी महत्त्वाचे पाऊल.

पुणे २७ डिसेंबर २०२५ : ठाणे महानगरपालिका निवडणूक 2025 च्या पार्श्वभूमीवर संपूर्ण ठाणे शहरात राजकीय वातावरण तापू लागले असून, विविध पक्षांकडून प्रचार, बैठका आणि हालचालींना वेग आला आहे. अशा परिस्थितीत कायदा व सुव्यवस्था अबाधित राहावी, कोणताही अनुचित प्रकार घडू नये आणि नागरिकांमध्ये सुरक्षिततेची भावना निर्माण व्हावी, यासाठी ठाणे पोलिस प्रशासनाकडून विशेष खबरदारी घेतली जात आहे. याच अनुषंगाने ठाणेनगर पोलीस ठाणे हद्दीत भव्य रूट मार्चचे आयोजन करण्यात आले.

ठाणे पोलिस आयुक्त आशुतोष डुंबरे यांच्या आदेशानुसार या रूट मार्चचे आयोजन करण्यात आले असून, शहरातील संवेदनशील भागांमध्ये पोलिसांचा कडक बंदोबस्त असल्याचा स्पष्ट संदेश या माध्यमातून देण्यात आला. रूट मार्चची सुरुवात ठाणेनगर पोलीस ठाण्यापासून करण्यात आली. त्यानंतर गोल्ड सिनेमा, माटे चौक, अशोक टॉकीज, दत्त मंदिर, सिडको बस स्टॉप, ठाणे कॉलेज, दादोजी कोंडदेव स्टेडियम, महागिरी, हवा मंझिल, पोलीस स्कूल, खारकर आळी, महाजनवाडी हॉल, जांभळी नाका, कोपणेश्वर मंदिर आणि A-1 फर्नीचर या प्रमुख मार्गांवरून हा रूट मार्च काढण्यात आला. अखेरीस हा मार्च पुन्हा ठाणेनगर पोलीस ठाण्यात येऊन समाप्त झाला.

या रूट मार्चमध्ये वरिष्ठ पोलीस अधिकारी, ठाणेनगर पोलीस ठाण्याचे अधिकारी व कर्मचारी, तसेच दंगल नियंत्रण पथक सहभागी झाले होते. मोठ्या संख्येने पोलिस रस्त्यावर उतरल्याने नागरिकांमध्ये सुरक्षिततेची भावना निर्माण झाली असून, निवडणूक काळात पोलिस प्रशासन पूर्णतः सतर्क असल्याचे चित्र दिसून आले. कोणत्याही प्रकारची अफवा, अनुचित प्रकार, हिंसाचार किंवा कायदा-सुव्यवस्थेचा प्रश्न निर्माण होऊ नये, यासाठी पोलिसांकडून सतत लक्ष ठेवले जात आहे.

निवडणुकीच्या काळात संवेदनशील परिसरांवर विशेष लक्ष केंद्रित केले जाणार असून, समाजकंटक, दंगलखोर प्रवृत्ती आणि कायदा मोडणाऱ्यांवर कठोर कारवाई करण्यात येणार असल्याचा इशाराही पोलिस प्रशासनाने दिला आहे. तसेच नागरिकांनीही कोणतीही अफवा पसरवू नये, सोशल मीडियावर अपप्रचाराला बळी पडू नये आणि काही संशयास्पद बाब आढळल्यास तात्काळ पोलिसांशी संपर्क साधावा, असे आवाहन करण्यात आले आहे.

ठाणे महानगरपालिका निवडणूक पारदर्शक, शांततापूर्ण आणि निर्भय वातावरणात पार पडावी, हा पोलिस प्रशासनाचा मुख्य उद्देश आहे. रूट मार्चच्या माध्यमातून पोलिसांचा तगडा बंदोबस्त आणि तयारी नागरिकांसमोर मांडण्यात आली आहे. आगामी काळातही शहरातील विविध भागांमध्ये अशाच प्रकारचे रूट मार्च, नाकाबंदी आणि गस्त वाढवण्यात येणार असल्याचे संकेत पोलिस सूत्रांकडून देण्यात आले आहेत. निवडणूक काळात शांतता राखण्यासाठी पोलिस आणि नागरिक यांचे परस्पर सहकार्य अत्यंत महत्त्वाचे असल्याचेही यावेळी स्पष्ट करण्यात आले.

Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz

Also Read: Pune’s Latest Information

FacebookWhatsAppXTelegramThreadsLinkedInGmailShare