मुंबईत भाऊजीकडून मेहुणीवर बलात्कार; पत्नीनेही गुन्हा लपवला, दोघेही अटकेत
बायकोसमोरच मेहुणीवर बलात्कार; गर्भवती केल्यानंतर उघड झाला अमानुष प्रकार – आरोपी पती व पत्नी दोघेही अटकेत
मुंबईत भाऊजीकडून मेहुणीवर बलात्कार; गर्भवती झाल्यानंतर उघडकीस आले प्रकरण. पत्नीने गुन्हा लपवण्याचा प्रयत्न; पोलिसांनी दोघांना अटक केली.
सायली मेमाणे
पुणे ५ ऑगस्ट २०२५ : Mumbai Crime News: मुंबईत मानवी नात्यांना काळिमा फासणारी एक धक्कादायक घटना समोर आली आहे. एका ४० वर्षीय व्यक्तीने स्वतःच्या मेहुणीवर (पत्नीच्या बहिणीवर) वारंवार बलात्कार केल्याचा आरोप आहे. आरोपीने पीडितेवर लैंगिक अत्याचार करून तिला गर्भवती केल्याचे उघड झाल्यानंतर संपूर्ण परिसरात खळबळ उडाली आहे.
विशेष म्हणजे, आरोपीच्या पत्नीनेदेखील या गंभीर गुन्ह्यात साथ दिल्याचा आरोप आहे. पीडित मुलीची प्रसूती घरीच करण्यात आली आणि संपूर्ण घटना लपवण्याचा प्रयत्न केला गेला. मात्र पीडितेची प्रकृती खालावल्याने तिला रुग्णालयात नेण्यात आले आणि तिथेच डॉक्टरांनी संपूर्ण प्रकाराची माहिती पोलिसांना दिली.
या प्रकरणात पोलिसांनी आरोपी पतीस अटक केली असून त्याचबरोबर पत्नीला देखील गुन्हा लपवण्याच्या आरोपाखाली ताब्यात घेतले आहे. पोलिस तपासात असे स्पष्ट झाले आहे की, आरोपीने हे कृत्य त्याच्या पत्नीच्या उपस्थितीतच केल्याचे संशयित असून ती पूर्णपणे या प्रकारात सहभागी होती.
पीडितेची वैद्यकीय तपासणी करण्यात आली असून, पुढील चौकशीसाठी तिला बाल संरक्षण केंद्रात हलवण्यात आले आहे. पोस्को कायद्यानुसार गुन्हा नोंदवण्यात आला असून, आरोपी दांपत्याविरुद्ध बलात्कार, बाल लैंगिक अत्याचार प्रतिबंधक कायदा (POCSO Act) आणि गुन्हा लपवण्याचे विविध कलमांखाली गुन्हा दाखल करण्यात आला आहे.
मुंबई पोलीस या प्रकरणाची सखोल चौकशी करत असून, पीडितेला मानसिक आणि वैद्यकीय आधार दिला जात आहे.
