२६/११ च्या स्मरणातून जगाला संदेश : मुंबई हल्ल्याचा इतिहास आणि धडा
२६/११ च्या स्मरणातून जगाला संदेश : मुंबई हल्ल्याचा इतिहास आणि धडा
२६/११ मुंबई हल्ला हा भारताच्या सुरक्षेवर काळं सावट टाकणारा प्रसंग होता. जाणून घ्या हल्ल्याचा इतिहास, शौर्यगाथा आणि जगाला दिलेला धडा.
सायली मेमाणे
पुणे २१ ऑगस्ट २०२५ : मुंबई | २६ नोव्हेंबर २००८ – भारताच्या सुरक्षेवर काळं सावट टाकणारा २६/११ मुंबई दहशतवादी हल्ला आजही प्रत्येक भारतीयाच्या मनावर जखम करून गेला आहे. या दिवशी केवळ १० सशस्त्र दहशतवाद्यांनी भारताच्या आर्थिक राजधानीला लक्ष्य केले. ताजमहाल हॉटेल, छत्रपती शिवाजी टर्मिनस (CST), नरीमन हाऊस, ओबेरॉय ट्रायडेंट हॉटेल आणि लिओपोल्ड कॅफे या ठिकाणी तीन दिवस भीषण गोळीबार आणि बॉम्बस्फोट सुरू होते.
या दहशतवादी हल्ल्यात १६६ निरपराध नागरिकांचा मृत्यू झाला आणि शेकडो लोक गंभीर जखमी झाले. अनेक पोलीस अधिकारी, जवान आणि अग्निशमन दलातील कर्मचाऱ्यांनी जीवाची पर्वा न करता सेवा बजावली. शहीद हेमंत करकरे, अशोक काम्टे, विजय साळसकर यांसारख्या अधिकारी वीरांच्या बलिदानाने इतिहासात अमर ठसा उमटवला.
तीन दिवस चाललेल्या या कारवाईनंतर २९ नोव्हेंबर रोजी सर्व दहशतवाद्यांचा खात्मा करण्यात आला. फक्त एक दहशतवादी, अजमल कसाब, जिवंत पकडला गेला. त्याच्या कबुलीजबाबाने पाकिस्तानातून दहशतवाद्यांना प्रशिक्षण आणि शस्त्रे पुरवल्याचे उघड झाले.
हा हल्ला केवळ भारतासाठी नव्हे तर जगासाठी एक धडा आहे की, दहशतवादाला थारा देणाऱ्या राष्ट्रांना संपूर्ण मानवजातीला धोका निर्माण होतो. या घटनेनंतर भारताने अंतर्गत सुरक्षा, दहशतवादविरोधी यंत्रणा आणि किनारपट्टी संरक्षण अधिक मजबूत केले.
२६/११ च्या स्मरणातून संदेश मिळतो की, शांती, एकता आणि जागरूकता हेच दहशतवादाविरुद्धचे सर्वात मोठे शस्त्र आहे. मुंबईकरांनी दाखवलेले धैर्य, त्याग आणि संकटाच्या काळात दिलेला प्रतिसाद हा जगभरातील लोकशाही राष्ट्रांसाठी प्रेरणादायी आहे.
