Mahashivratri 2026: भीमाशंकर मंदिर दर्शनासाठी बंद; भाविकांची सुरक्षितता कारणे

भीमाशंकर मंदिर महाशिवरात्रीत भाविकांसाठी बंद राहणार. 12 ते 18 फेब्रुवारी दरम्यान मंदिरातील बांधकाम व सुरक्षा कारणास्तव दर्शन बंद. मंदिरातील पूजा कार्यक्रम नियमित होतील.

पुणे ०८ जानेवारी २०२६ : महाशिवरात्री 2026 च्या पार्श्वभूमीवर भिमाशंकर मंदिराविषयी भाविकांमध्ये महत्त्वाची बातमी आहे. बारा ज्योतिर्लिंगांपैकी एक असलेल्या श्री क्षेत्र भीमाशंकर मंदिरात यंदा महाशिवरात्री शिवभक्तांविना साजरी होणार आहे. सुरुवातीला मंदिर प्रशासनाने महाशिवरात्रीसाठी मंदिर खुले ठेवण्याची माहिती दिली होती, मात्र भाविकांची मोठी गर्दी आणि मंदिर परिसरातील सुरक्षा धोक्याचे भान ठेवून हा निर्णय बदलण्यात आला आहे.

भीमाशंकर विकास आराखड्याअंतर्गत मंदिर परिसरात भव्य सभामंडप, पायरी मार्ग, रस्ते, पार्किंग आणि परिसरातील विविध सुविधा सुधारण्यासाठी काम सुरू आहे. या कामांसाठी मंदिर परिसरात मोठ्या प्रमाणावर बांधकाम साहित्य आणि यंत्रसामग्री ठेवण्यात आली आहे. त्यामुळे भाविकांच्या सुरक्षेच्या दृष्टीने महाशिवरात्रीच्या कालावधीत म्हणजेच 12 ते 18 फेब्रुवारी दरम्यान मंदिर बंद ठेवण्याचा प्रशासनाने निर्णय घेतला आहे.

भीमाशंकर मंदिर 9 जानेवारीपासून तीन महिन्यांसाठी भाविकांसाठी बंद करण्यात आले असून, या कालावधीत मंदिराचे सर्व धार्मिक विधी व पूजा कार्यक्रम नियमित पार पडतील. दरवर्षीप्रमाणे महाशिवरात्रीचा पाच दिवसीय उत्सव यंदाही पार पडणार आहे, परंतु यावेळी भाविकांना मंदिर परिसरात प्रवेश मिळणार नाही.

मंदिर विकासासाठी सरकारने एकूण 288.17 कोटी रुपयांचा निधी मंजूर केला आहे. या निधीत दर्शन रांगेचे नियोजन, पिण्याचे पाणी आणि निवासाची सोय, मंदिराच्या मूळ रचनेला धक्का न पोहोचवता दुरुस्ती कामे, परिसर स्वच्छता, रस्ते आणि पार्किंग सुविधा यांचा समावेश आहे. पुरातत्व विभागाच्या मार्गदर्शनाखाली ही कामे करताना धार्मिक महत्त्व कायम राखण्यावर भर देण्यात आला आहे.

यंदा महाशिवरात्रीत मंदिर दर्शनासाठी बंद असले तरी भाविकांना सुरक्षिततेचा विचार करून प्रशासनाने हा निर्णय घेतल्याचे स्पष्ट आहे. मंदिर परिसरातील कामे लवकरच पूर्ण होऊन भविष्यात भाविकांना अधिक सुव्यवस्थित आणि सुरक्षित वातावरणात दर्शन घेता येईल.

Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz

Also Read: Pune’s Latest Information

FacebookWhatsAppXTelegramThreadsLinkedInGmailShare

About The Author

Sayali Memane

Sayali Memane is a Pune-based journalist at NewsDotz, covering Maharashtra news, current affairs, and trending updates. She focuses on clear, factual, and fast digital reporting, delivering reliable news content tailored for modern audiences across platforms.

See author's posts