BMC Top 10 Richest Corporators: मुंबई महापालिकेतील ‘कुबेर’ नगरसेवक, कोट्यवधींची संपत्ती उघड
BMC Top 10 Richest Corporators: मुंबई महापालिकेतील ‘कुबेर’ नगरसेवक, कोट्यवधींची संपत्ती उघड
BMC निवडणूक 2026 निकालानंतर मुंबई महापालिकेतील टॉप 10 श्रीमंत नगरसेवकांची यादी समोर आली आहे. भाजपच्या मकरंद नार्वेकरांनी 124 कोटींच्या संपत्तीसह अव्वल स्थान मिळवले आहे.
पुणे २० जानेवारी २०२५: मुंबई महानगरपालिका ही देशातील सर्वात श्रीमंत महापालिका म्हणून ओळखली जाते. त्यामुळे येथे निवडून येणाऱ्या लोकप्रतिनिधींची आर्थिक पार्श्वभूमी नेहमीच चर्चेचा विषय ठरते. मुंबई महापालिका निवडणूक 2026 चे निकाल जाहीर झाल्यानंतर आता महापालिकेतील टॉप 10 श्रीमंत नगरसेवकांची यादी समोर आली असून, या यादीने अनेकांचे लक्ष वेधले आहे. या नगरसेवकांकडे कोट्यवधींची मालमत्ता असून, त्यामुळे महापालिकेतील ‘कुबेर’ कोण, याची उत्सुकता वाढली आहे.
या यादीत भाजपचे मकरंद नार्वेकर हे सर्वाधिक श्रीमंत नगरसेवक ठरले आहेत. त्यांनी तब्बल 124 कोटी रुपयांची संपत्ती जाहीर केली असून, ते या यादीत पहिल्या क्रमांकावर आहेत. मुंबई महापालिकेत भाजप हा 89 नगरसेवकांसह सर्वात मोठा पक्ष ठरला असून, श्रीमंत नगरसेवकांच्या बाबतीतही भाजपचेच वर्चस्व दिसून येत आहे. टॉप 10 श्रीमंत नगरसेवकांमध्ये सर्वाधिक पाच नगरसेवक भाजपचे आहेत, ही बाब विशेष उल्लेखनीय आहे.
दुसऱ्या क्रमांकावर भाजपचेच चंदन शर् असून, त्यांची एकूण संपत्ती 84 कोटी 77 लाख 99 हजार 635 रुपये इतकी आहे. तिसऱ्या स्थानावर हर्षिता नार्वेकर असून, त्यांनी 63 कोटी रुपयांची संपत्ती जाहीर केली आहे. चौथ्या क्रमांकावर शिवसेना (शिंदे गट) यांच्या मिनल तुर्डे असून, त्यांची संपत्ती 55 कोटी 17 लाख 50 हजार 842 रुपये आहे. पाचव्या क्रमांकावर काँग्रेसचे तुलिप मिरांडा असून, त्यांच्याकडे 50 कोटी 69 लाख 70 हजार 150 रुपयांची मालमत्ता आहे.
ठाकरे गटाच्या श्रद्धा जाधव या सहाव्या क्रमांकावर असून, त्यांनी 46 कोटी 34 लाख 72 हजार 743 रुपयांची संपत्ती जाहीर केली आहे. सातव्या क्रमांकावर भाजपच्या अनिता वैती असून, त्यांची संपत्ती 28 कोटी 88 लाख 10 हजार रुपये आहे. आठव्या स्थानावर भाजपच्याच हेतल गाला असून, त्यांच्याकडे 27 कोटी 93 लाख 40 हजार 281 रुपयांची मालमत्ता आहे. नवव्या क्रमांकावर ठाकरे गटाचे यशोधर फणसे असून, त्यांची संपत्ती 25 कोटी 84 लाख 92 हजार 240 रुपये आहे. दहाव्या क्रमांकावर शिवसेना (शिंदे गट) चे भास्कर शेट्टी असून, त्यांनी 25 कोटी 37 लाख 26 हजार रुपयांची संपत्ती जाहीर केली आहे.
पक्षनिहाय विचार केला तर या टॉप 10 श्रीमंत नगरसेवकांच्या यादीत भाजपचे पाच नगरसेवक आहेत. त्यानंतर शिवसेना (उद्धव बाळासाहेब ठाकरे) गटाचे दोन, शिवसेना (शिंदे) गटाचे दोन आणि काँग्रेसचा एक नगरसेवक या यादीत आहे. यावरून मुंबई महापालिकेतील आर्थिकदृष्ट्या सक्षम लोकप्रतिनिधींमध्ये भाजपचे वर्चस्व स्पष्टपणे दिसून येते.
मुंबईसारख्या महानगराच्या कारभारात मोठ्या प्रमाणावर निधी, प्रकल्प आणि निर्णयप्रक्रिया यांचा समावेश असतो. त्यामुळे श्रीमंत पार्श्वभूमी असलेले नगरसेवक निवडून येणे हा मुद्दा राजकीय आणि सामाजिक चर्चेचा विषय ठरत आहे. पारदर्शक प्रशासन, जनतेच्या हिताचे निर्णय आणि विकासकामांवर लक्ष केंद्रित करणे हीच खरी अपेक्षा नागरिक व्यक्त करत आहेत. टॉप 10 श्रीमंत नगरसेवकांची ही यादी केवळ आकडेवारी नसून, मुंबईच्या राजकारणातील आर्थिक वास्तवाचे प्रतिबिंब मानले जात आहे.
Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz
Also Read: Pune’s Latest Information
