‘कॅफे पीटर’ फ्रँचायझी फसवणूक प्रकरण: आरोपी फरार, सेशन्स न्यायालयाकडून जामीन अर्ज फेटाळला

पुण्यात ‘कॅफे पीटर’ ब्रँडच्या नावाखाली फ्रँचायझी देण्याच्या बहाण्याने कोट्यवधींची फसवणूक. बुंडगार्डन पोलिस ठाण्यात गुन्हा; सेशन्स न्यायालयाने जामीन नाकारला, आरोपी फरार.

पुणे ०३ एप्रिल २०२६ : लोकप्रिय ‘कॅफे पीटर’ ब्रँडच्या व्यावसायिक वापराबाबतच्या प्रकरणात आरोपी चॅन सिओक जंग (उर्फ पीटर जंग) आणि त्याचा सहकारी कमलेश काळे हे सध्या फरार आहेत. पुणे सत्र न्यायालयाने त्यांचा अटकपूर्व जामीन अर्ज फेटाळल्यानंतर ही परिस्थिती निर्माण झाली आहे.

बंडगार्डन पोलिस ठाण्यात नोंद झालेल्या या प्रकरणात पुण्यातील उद्योजिका श्वेता साळुंखे (हॉस्पिटॅलिटी क्षेत्र) यांची तक्रार आहे. एफआयआरनुसार, ‘कॅफे पीटर’ ब्रँडच्या फ्रँचायझी व ट्रेडमार्क हक्कांच्या नावाखाली आरोपींनी त्यांना व्यवहारासाठी प्रवृत्त करून सुमारे ₹2.04 कोटींची रक्कम टप्प्याटप्प्याने घेतल्याचा आरोप आहे.

तक्रारीनुसार, पूर्ण रक्कम मिळाल्यानंतरही आरोपींनी त्याच ब्रँडचे पुढील व्यवहार सुरू ठेवल्याचा आरोप आहे. ही रक्कम हप्त्यांमध्ये देण्यात आल्याचे सांगितले जाते.

उद्योग क्षेत्रात अशीही चर्चा आहे की अशाच प्रकारचे प्रस्ताव इतरांनाही देण्यात आले असावेत. दरम्यान, वाकड, निगडी आणि कोथरूडसारख्या प्रमुख भागांत संबंधित ब्रँडच्या कथित अनधिकृत आउटलेट्स सुरू झाल्याने हॉस्पिटॅलिटी क्षेत्रात चिंतेचे वातावरण आहे. या माध्यमातून ठेव रक्कम व रॉयल्टीसंदर्भात मोठे व्यवहार झाल्याची शक्यता व्यक्त केली जात आहे.

दोन्ही आरोपींनी सत्र न्यायालयात अटकपूर्व जामिनासाठी अर्ज केला होता; मात्र न्यायालयाने तो नाकारला. त्यानंतर दोघेही सध्या शोधात असल्याची माहिती आहे.

पोलिसांकडून आरोपींचा शोध घेण्यासाठी प्रयत्न वाढवण्यात आले असून, या प्रकरणाशी संबंधित इतर तक्रारी आणि आर्थिक व्यवहारांचा तपास सुरू आहे.

Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/

Twitter – https://x.com/NewsDotz

Also Read: Pune’s Latest Information