HDB Financial Services IPO: 2025मधील सर्वात मोठा इश्यू, HDFC बँकेचा पाठिंबा; गुंतवणुकीसाठी तज्ज्ञांचा काय सल्ला?

HDB Financial Services IPO आजपासून खुले; 12,500 कोटी रुपये उभारणार. HDFC बँकेचा बॅकअप असलेल्या या इश्यूमध्ये गुंतवणुकीसाठी तज्ज्ञांचा सकारात्मक दृष्टिकोन, जाणून घ्या सविस्तर तपशील.

सायली मेमाणे

२५ जून २०२५ : HDB Financial Services IPO : देशातील सर्वात मोठ्या खासगी बँकांपैकी एक असलेल्या HDFC बँकेची नॉन-बँकिंग फायनान्शिअल कंपनी (NBFC) HDB Financial Services चा आयपीओ 25 जून 2025 रोजी शेअर बाजारात खुला झाला आहे. या IPO मधून कंपनी एकूण 12,500 कोटी रुपये उभारणार असून, तो 27 जून 2025 पर्यंत गुंतवणूकदारांसाठी खुला राहणार आहे. यामध्ये 2,500 कोटी रुपयांचे नव्याने शेअर्स जारी करण्यात येणार असून, उर्वरित 10,000 कोटी रुपयांचे शेअर्स HDFC बँक विकणार आहे. HDB Financial Services सध्या HDFC बँकेच्या मालकीची 95.5 टक्के हिस्सा असलेली उपकंपनी आहे.

IPO चा प्राईस बँड 700 ते 740 रुपये प्रति शेअर निश्चित करण्यात आला असून ग्रे मार्केटमध्ये त्याचा प्रीमियम सुमारे 74 रुपये आहे, म्हणजेच IPO इश्यू प्राइसपेक्षा सुमारे 10 टक्क्यांनी शेअरची मागणी जास्त आहे. या IPO नंतर कंपनी NSE आणि BSE या दोन्ही स्टॉक एक्सचेंजवर जुलै महिन्याच्या पहिल्या आठवड्यात लिस्ट होण्याची शक्यता आहे.

HDB Financial Services ही देशातील आघाडीची NBFC असून, तिच्याकडे 1.9 कोटी ग्राहक आहेत. देशभरात 2,900 हून अधिक शाखा असून कंपनीचे लोन बुक 1.06 लाख कोटी रुपये इतके आहे. FY25 मध्ये कंपनीने 2,176 कोटी रुपयांचा निव्वळ नफा नोंदवला आहे. मागील आर्थिक वर्षात हा नफा 1,359 कोटी रुपये होता. यावरून कंपनीचा ग्रोथ ट्रॅक रेकॉर्ड मजबूत असल्याचे स्पष्ट होते. कंपनीचे ग्रॉस नॉन-परफॉर्मिंग अॅसेट्स (GNPA) 2.49% आणि नेट NPA 1.38% इतके आहे. बुक व्हॅल्यूच्या 3.7 पट किंमतीने हा IPO बाजारात आला आहे.

तज्ज्ञांचे म्हणणे आहे की कंपनीची एसेट क्वालिटी उत्तम आहे, ब्रँड HDFC बँकेशी जोडलेला असल्यामुळे गुंतवणूकदारांचा विश्वास वाढतो. त्यामुळे अनेक ब्रोकरेज फर्म्स — जसे की SBI Securities, Ventura Securities, आनंद राठी — यांनी ‘सब्सक्राइब’ करण्याचा सल्ला दिला आहे. त्यांच्यामते कंपनीचा व्यवसाय मॉडेल आणि ग्रोथ स्ट्रक्चर चांगला आहे.

कंपनी IPO मधून उभा होणारा निधी व्यवसाय विस्तारासाठी वापरणार असून, जास्तीत जास्त ग्राहकांना कर्ज उपलब्ध करून दिले जाणार आहे. तर OFS (Offer for Sale) मधून मिळणारा निधी HDFC बँकेकडे जाईल. IPO नंतर HDFC बँकेची हिस्सेदारी नियमानुसार कमी होईल.

संपूर्णपणे पाहता, हा IPO मजबूत आर्थिक आधार, उत्तम ग्रोथ, आणि विश्वासार्ह ब्रँडच्या पाठिंब्यामुळे दीर्घकालीन गुंतवणूकदारांसाठी एक चांगला पर्याय ठरू शकतो. ज्यांना स्थिरता आणि विश्वासार्हता असलेली NBFC मध्ये गुंतवणूक करायची आहे, त्यांच्यासाठी HDB Financial Services चा IPO आकर्षक पर्याय ठरू शकतो.