Pune Velhe Taluka Name Change: आता वेल्हे नाही, ‘राजगड’ म्हणून ओळखा!
Pune Velhe Taluka Name Change: आता वेल्हे नाही, 'राजगड' म्हणून ओळखा!
पुणे जिल्ह्यातील वेल्हे तालुक्याचे नाव आता राजगड ठेवण्यात आले आहे. महसूल मंत्र्यांच्या निर्णयानुसार आणि केंद्र सरकारच्या मंजुरीनंतर ही ऐतिहासिक घोषणा करण्यात आली आहे.
सायली मेमाणे
पुणे २१ ऑगस्ट २०२५ :पुणे: महाराष्ट्र सरकारच्या ऐतिहासिक निर्णयामुळे पुणे जिल्ह्यातील वेल्हे तालुक्याचे नाव आता बदलले गेले आहे. राज्य सरकारने वेल्हे तालुक्याचे नाव ‘राजगड’ असे ठेवण्याचे आदेश दिले असून, केंद्र सरकारने देखील या नावाला मंजुरी दिली आहे.
वेल्हे तालुक्याला राजगड नाव देण्यामागील मुख्य कारण म्हणजे छत्रपती शिवाजी महाराजांच्या हिंदवी स्वराज्याची पहिली राजधानी असलेल्या राजगड किल्ल्याचा संबंध या तालुक्याशी. आता राजगड किल्ल्याचे ऐतिहासिक महत्त्व अधोरेखित करण्यासाठी तालुक्याचे नावही राजगड ठेवण्यात आले आहे.
राज्यातील महसूल मंत्री यांनी या निर्णयाची माहिती देत सांगितले की, इतिहासाशी जोडलेला हा निर्णय महाराष्ट्राच्या सांस्कृतिक वारशाला उजाळा देण्यासाठी महत्त्वाचा ठरेल. यामुळे स्थानिक लोकांमध्ये आनंदाची लाट पाहायला मिळत आहे आणि राजगड नावामुळे पर्यटनाच्या संधीही वाढण्याची अपेक्षा आहे.
