UPSC Result 2025: यूपीएससी परीक्षेत महाराष्ट्राची भरारी; 60 हून अधिक उमेदवार अधिकारी, संपूर्ण यादी
UPSC Result 2025: यूपीएससी परीक्षेत महाराष्ट्राची भरारी; 60 हून अधिक उमेदवार अधिकारी, संपूर्ण यादी
UPSC 2025 Final Result: नागरी सेवा परीक्षेत महाराष्ट्रातील 60 पेक्षा जास्त उमेदवार यशस्वी. हृषिकेश आलासे राज्यात अव्वल (61वा), पहिल्या 100 मध्ये 5 जणांचा समावेश.
पुणे ०७ मार्च २०२६ : केंद्रीय लोकसेवा आयोगाने (UPSC) नागरी सेवा परीक्षा 2025 चा अंतिम निकाल जाहीर केला असून यंदाही महाराष्ट्रातील तरुणांनी उल्लेखनीय यश मिळवले आहे. या परीक्षेत देशभरातून एकूण 958 उमेदवार यशस्वी झाले असून त्यामध्ये महाराष्ट्रातील 60 पेक्षा जास्त उमेदवारांचा समावेश आहे. त्यामुळे राज्यातील विद्यार्थ्यांनी पुन्हा एकदा आपले वर्चस्व सिद्ध केले आहे.
यंदाच्या निकालात देशातील पहिल्या 100 यशस्वी उमेदवारांमध्ये महाराष्ट्रातील पाच जणांनी स्थान मिळवले आहे. हृषिकेश आलासे यांनी 61 वा क्रमांक मिळवत महाराष्ट्रातून अव्वल येण्याचा मान पटकावला आहे. त्यांच्यानंतर आकाश त्रिवेदी यांनी 73 वा, गौरव चोप्रा यांनी 83 वा, सायली पगार यांनी 87 वा आणि दीक्षा पाटकर यांनी 88 वा क्रमांक मिळवत राज्याचे नाव उज्ज्वल केले आहे.
दरम्यान, या वर्षीच्या यूपीएससी नागरी सेवा परीक्षेत राजस्थानातील जोधपूर येथील अनुज अग्निहोत्री यांनी देशात प्रथम क्रमांक मिळवला आहे. अनुज अग्निहोत्री यांनी एमबीबीएसचे शिक्षण पूर्ण केले असून त्यांनी 2023 पासून या परीक्षेची तयारी सुरू केली होती. अल्प कालावधीत कठोर परिश्रम आणि सातत्यपूर्ण अभ्यासाच्या जोरावर त्यांनी देशात अव्वल स्थान मिळवले आहे.
महाराष्ट्रातील अनेक विद्यार्थ्यांनी या परीक्षेत यश मिळवत प्रशासकीय सेवेत प्रवेश मिळवण्याचा मार्ग मोकळा केला आहे. ग्रामीण आणि शहरी अशा दोन्ही भागांतील विद्यार्थ्यांनी या यादीत आपले स्थान मिळवले आहे. विशेष म्हणजे अनेक मुलींनी देखील या स्पर्धात्मक परीक्षेत घवघवीत यश संपादन केले आहे.
राज्यातील यशस्वी उमेदवारांच्या यादीत ऋतुजा गायकवाड (106), वरुण टोकस (117), अंकिता अनिल पाटील (140), आर्यन सिरसीकर (175) आणि कार्तिक बच्छाव (177) यांचा समावेश आहे. तसेच राहुल पाटील (224), शुभम शरद बेहेरे (226), ऋषिकेश पालिमकर (283), मोहिनी जगताप (323) आणि अभिषेक ओझार्डे (336) यांनी देखील उल्लेखनीय यश मिळवले आहे.
याशिवाय हर्षवर्धन पाटील (349), हर्षवर्धन तिडके (355), कुणाल अहिरराव (430), अभिषेक मगदूम (449), धनश्री अहिरे (489) आणि मनोज पाटील (493) या उमेदवारांनीही नागरी सेवा परीक्षेत यश संपादन केले आहे. विशाखा कदम (504), नंदिनी पाटील (512), रजत वाळके (514), निखिल तांबे (517) आणि श्रुती चव्हाण (527) यांसारख्या उमेदवारांनी देखील राज्याचा गौरव वाढवला आहे.
तसेच धनंजय दिघे (529), संकेत कुंभार (539), साईराज पाटील (545), आरुषा पाटील (553), पारस मिस्त्री (555) आणि बापूसाहेब गायकवाड (561) या उमेदवारांनीही या परीक्षेत यश मिळवले आहे. पुढील क्रमांकावर प्रवीण कोळपे (584), अविष्कार डेर्ले (591), रोहित माळवेकर (601), अभिषेक टेकाडे (610), सिद्धार्थ तागड (619) आणि भाग्यश्री नायकेले (647) यांचा समावेश आहे.
या यादीत शिवम वखारे (651), पांडुरंग कांबळी (660), अश्विनी कोळेकर (675), प्रज्वल नासरे (677), अल्पेश ढवळे (687), सूरज सूर्यवंशी (702), रामेश्वर शिंदे (705), बसवराज पाटील (739) आणि प्रीतकुमार भाले (742) यांनीही आपले स्थान मिळवले आहे.
याशिवाय राजश्री देशमुख (754), चेतन ठाकरे (762), प्रांजली मेश्राम (767), मनीष झेंडे (788), प्रथमेश शिंदे (817), राहुल चांडोलकर (831), हेमकृष्ण पिसाडे (849), अतुल राजुरकर (863), रोहित सांगळे (865), सुरेश बोरकर (912), प्रेरणा खवले (913) आणि अनिकेत अहिरे (941) यांनीही नागरी सेवा परीक्षेत यश संपादन केले आहे.
या निकालानंतर राज्यभरात यशस्वी उमेदवारांच्या कुटुंबात आनंदाचे वातावरण आहे. मुख्यमंत्री देवेंद्र फडणवीस यांनीही सर्व यशस्वी उमेदवारांचे अभिनंदन केले आहे. महाराष्ट्रातील तरुणांनी सातत्यपूर्ण मेहनत, जिद्द आणि अभ्यासाच्या जोरावर प्रशासकीय सेवेत स्थान मिळवत राज्याची गौरवशाली परंपरा कायम राखली आहे.
Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz
Also Read: Pune’s Latest Information
