अहमदाबाद विमान अपघात : “मी उडी मारली नाही, खुर्चीसह फेकला गेलो” – एकमेव बचावलेल्याची थरारक माहिती

अहमदाबाद विमान अपघात : २४२ पैकी फक्त रामेश विश्‍वकुमार हेच बचावले. “मी उडी मारली नाही, खुर्चीसह फेकला गेलो”, अशी स्पष्टता त्यांनी मोदींच्या भेटीत दिली.

सायली मेमाणे

अहमदाबाद १३ जून २०२५ : अहमदाबाद विमान अपघातात झालेल्या भीषण दुर्घटनेत २६५ लोकांनी आपले प्राण गमावले असून, ही घटना भारतीय विमानवाहतूक इतिहासातील एक भीषण दुर्घटना मानली जात आहे. २४१ प्रवासी आणि २४ विद्यार्थी असे एकूण २४२ जण या विमानात होते, मात्र केवळ एकजण या अपघातातून चमत्कारिकरीत्या वाचला – रामेश विश्वकुमार. सध्या अहमदाबादमधील स्थानिक रुग्णालयात त्यांच्यावर उपचार सुरू असून, पंतप्रधान नरेंद्र मोदी यांनी स्वत: त्यांची आणि मृतांच्या कुटुंबियांची भेट घेऊन धीर दिला.

या भेटीदरम्यान रामेश यांनी एक महत्त्वाची बाब स्पष्ट केली. अनेक माध्यमांमध्ये व सोशल मीडियावर असा दावा करण्यात येत होता की, ते विमानातून उडी मारून वाचले. मात्र रामेश यांनी ठामपणे सांगितले की, “मी विमानातून उडी मारली नाही. अपघाताच्या वेळी मी खुर्चीसह बाहेर फेकला गेलो, त्यामुळेच मी वाचलो.” या विधानामुळे अपघाताची तीव्रता व परिस्थितीची भयावहता स्पष्ट होते.

या अपघातानंतर संपूर्ण देश शोकसागरात बुडाला आहे. नागरिकांकडून शोक व्यक्त केला जात असून, देशभरात या घटनेने हळहळ व्यक्त केली जात आहे. सरकारने तातडीने चौकशी समिती गठीत केली असून, अपघाताची मूळ कारणमीमांसा सुरू आहे. आपत्कालीन सेवा, पोलिस, वैमानिक तज्ञ व स्थानिक प्रशासन यांनी संयुक्तपणे शोध आणि मदत कार्य सुरू ठेवले आहे. पीडितांच्या कुटुंबांना आवश्यक ती मदत व सावरण्याची सुविधा देण्यात येत आहे.

रामेश विश्वकुमार यांच्या बचावाच्या अनोख्या घटनेमुळे संपूर्ण देशाचे लक्ष त्यांच्या अनुभवांकडे वळले आहे. त्यांची थरारक सांगोवणी भविष्यातील विमान सुरक्षा धोरणावर प्रकाश टाकू शकते. या घटनेनंतर नागरिकांच्या मनात पुन्हा एकदा विमान प्रवासाबाबत सुरक्षा पातळीवर प्रश्न निर्माण झाले असून, नियमांचे कडक पालन आणि तांत्रिक चौकशीची मागणी जोर धरू लागली आहे.