पियाजिओने लाँच केली नवीन आपे ई-सिटी अल्ट्रा आणि एफएक्स मॅक्स; २३६ किमी रेंजसह स्मार्ट ई-व्ही
आपे इलेक्ट्रिक वाहनांचा नवा अध्याय; पियाजिओने लॉन्च केली आपे ई-सिटी अल्ट्रा आणि एफएक्स मॅक्स
पियाजिओने भारतात नवीन आपे ई-सिटी अल्ट्रा आणि एफएक्स मॅक्स इलेक्ट्रिक तिपहिया वाहनांची रेंज लाँच केली. २३६ किमी पर्यंत रेंज, स्मार्ट तंत्रज्ञान आणि कमी खर्च हे या वाहने विशेष बनवतात.
सायली मेमाणे
पुणे २५ जुलै २०२५ : इलेक्ट्रिक मोबिलिटीच्या दिशेने वाटचाल करणाऱ्या भारतात पियाजिओ वेईकल्स प्रायव्हेट लिमिटेडने आपल्या नवीन आणि अधिक कार्यक्षम इलेक्ट्रिक तीनचाकी वाहनांची रेंज बाजारात सादर केली आहे. आपे ई-सिटी अल्ट्रा आणि आपे ई-सिटी एफएक्स मॅक्स ही दोन मॉडेल्स नवीन पिढीच्या गरजांनुसार डिझाइन करण्यात आली असून, त्यांची रेंज, परफॉर्मन्स आणि विश्वासार्हता हे यांचे मुख्य वैशिष्ट्य आहे.
आपे ई-सिटी अल्ट्रा ही एक शक्तिशाली आणि टिकाऊ इलेक्ट्रिक तिपहिया वाहन आहे जी २३६ किमी पर्यंतची प्रमाणित रेंज देते. यामध्ये ९.५५ केडब्ल्यू ची शक्ती असून, ४५ एनएम टॉर्क, २८% ग्रेडेबिलिटी आणि क्लाइम्ब असिस्ट मोडसारखी अत्याधुनिक वैशिष्ट्ये आहेत. या वाहनाला १०.२ केडब्ल्यूएच ची एलएफपी बॅटरी असून ती ३ केडब्ल्यू चार्जरने जलद चार्ज होते. याशिवाय ५५ किमी/तास एवढी वेगमर्यादा असल्यामुळे शहरातील दैनंदिन वापरासाठी हे वाहन अत्यंत उपयुक्त ठरते.
दुसरे मॉडेल, आपे ई-सिटी एफएक्स मॅक्स, १७४ किमीची प्रमाणित रेंज देते. यामध्ये ७.४ केडब्ल्यू मोटर, ३० एनएम टॉर्क आणि ८ केडब्ल्यूएच बॅटरी आहे. यामध्ये प्रीझमेंटिक सेल तंत्रज्ञान आणि स्मार्ट एनर्जी मॉनिटरिंगचा समावेश असून, यामुळे बॅटरीचे दीर्घायुष्य वाढते आणि कार्यक्षमतेत सातत्य राहते. ही वैशिष्ट्ये या वाहनाला खास बनवतात – कमी बॅटरी डिग्रेडेशन आणि जास्त युटिलायझेशन हे मुख्य फायदे आहेत.
पियाजिओचे एमडी डिएगो ग्राफ़ी यांच्या मते, भारतात तीनचाकी ईव्हींचे भविष्य उज्वल आहे. त्यांच्यामते, “आपे ई-सिटी अल्ट्रा आणि एफएक्स मॅक्स ही वाहने भारतीय ग्राहकांच्या गरजांनुसार तयार करण्यात आली असून, त्या केवळ इंधन वाचवणाऱ्या नाहीत, तर चालवण्याचा खर्चही कमी ठेवतात. पियाजिओ ही कंपनी केवळ मोबिलिटीमध्येच नव्हे, तर टिकाऊ भविष्यासाठीही योगदान देत आहे.”
पियाजिओचे उपाध्यक्ष अमित सागर म्हणाले, “आजचा ग्राहक दीर्घ रेंज, विश्वासार्ह बॅटरी आणि कमी ऑपरेटिंग खर्च यासाठी ईव्हीकडे वळत आहे. आपे ई-सिटी अल्ट्रा आणि एफएक्स मॅक्स ही दोन्ही वाहने या निकषांवर खरी उतरतात. यांना ५ वर्षे / २.२५ लाख किमी वॉरंटी मिळते, जी बाजारातील सर्वोत्तम ऑफर्सपैकी एक आहे.”
या दोन्ही इलेक्ट्रिक मॉडेल्सच्या किंमतीही स्पर्धात्मक ठरतात – आपे ई-सिटी एफएक्स मॅक्स ₹३.३० लाख आणि आपे ई-सिटी अल्ट्रा ₹३.८८ लाख (एक्स-शोरूम, भारत) मध्ये मिळतात. ही वाहने आता भारतभरातील पियाजिओ डीलरशिप्समध्ये उपलब्ध आहेत.
या नव्या इलेक्ट्रिक वाहने केवळ परफॉर्मन्सच्या बाबतीत नव्हे, तर पर्यावरण रक्षण, आर्थिक बचत आणि दैनंदिन उपजीविकेसाठी एक उत्कृष्ट पर्याय ठरणार आहेत. भारतात शाश्वत आणि स्मार्ट मोबिलिटीची गरज वाढत असताना पियाजिओची ही नवी पिढी निश्चितच क्रांतिकारक ठरेल.
