ऑपरेशन नन्हे फरिश्ते : आरपीएफ पुण्यातील तीन हरवलेले अल्पवयीन मुलं सुरक्षित शोधण्यात यश
ऑपरेशन “नन्हे फरिश्ते” अंतर्गत पुण्यात मोठे यश
पुण्यात आरपीएफच्या ‘ऑपरेशन नन्हे फरिश्ते’ मोहिमेअंतर्गत हरवलेले तीन अल्पवयीन मुलं सुरक्षित शोधण्यात आली. पेड्डापुरमहून हरवलेली ही मुलं मुंबईकडे जात असताना हुसैन सागर एक्सप्रेसमध्ये सापडली.
सायली मेमाणे
पुणे २२ ऑगस्ट २०२५ : रेल्वे प्रवासी सुरक्षा दल (RPF) पुणे यांनी पुन्हा एकदा आपल्या तत्पर कार्यक्षमतेचा परिचय करून दिला आहे. “ऑपरेशन नन्हे फरिश्ते” मोहिमेअंतर्गत पेड्डापुरम (आंध्र प्रदेश) येथून हरवलेले तीन अल्पवयीन मुलं सुरक्षित शोधण्यात आली असून त्यांना बालकल्याण समितीकडे सुपूर्द करण्यात आले आहे.
मुलं हरवल्याची तक्रार व तत्काळ कारवाई
21 ऑगस्ट 2025 रोजी पेड्डापुरम पोलिस ठाण्यात तीन मुलं हरवल्याची तक्रार दाखल झाली होती (CR No. 324/2025). प्राथमिक तपासात ही मुलं रेल्वेमार्गे मुंबईकडे गेल्याची शक्यता व्यक्त करण्यात आली. प्रकरणाची गंभीरता लक्षात घेऊन मानवी तस्करीचा धोका संभवत असल्याने आरपीएफ पुणेच्या वरिष्ठ अधिकाऱ्यांनी त्वरित विशेष पथकाची नियुक्ती केली.
स्टेशनवर काटेकोर तपासणी
Sr.DSC/पुणे, ASC/पुणे आणि IPF/पुणे यांच्या मार्गदर्शनाखाली CPDS पथकाने दक्षिणेकडून येणाऱ्या सर्व गाड्यांची तपासणी सुरू केली. दरम्यान गाडी क्रमांक 12702 हुसैन सागर एक्सप्रेसमध्ये तपासणी करताना मुलं सापडली. त्यांचा चेहरामोहरा प्राप्त छायाचित्राशी जुळत असल्याचे पुष्टी झाले.
मुलांचे निवेदन
आरपीएफ अधिकाऱ्यांनी मुलांना विश्वासात घेतले असता त्यांनी सांगितले की पालकांच्या रागावण्यामुळे आणि अभ्यासात रस नसल्यामुळे ते घर सोडून मुंबईकडे जात होते. त्वरित पेड्डापुरम पोलिसांना संपर्क साधण्यात आला आणि मुलं सुरक्षित असल्याची माहिती देण्यात आली.
वैद्यकीय तपासणी व देखभाल
मुलांची प्राथमिक वैद्यकीय तपासणी करून त्यांना बाल कल्याण समिती (CWC) पुणे समोर सादर करण्यात आले. समितीच्या आदेशानुसार मुलांना सुरक्षित देखभालीसाठी साथी संस्था शेल्टर होम, धोले पाटील रोड, पुणे येथे ठेवण्यात आले.
पालक व पोलिसांचे आभार
मुलं सुखरूप मिळाल्याबद्दल त्यांच्या पालकांनी आणि पेड्डापुरम पोलिसांनी आरपीएफ पुणेचे मनःपूर्वक आभार मानले. मुलांना वेळेत शोधून संभाव्य संकटातून वाचवल्यामुळे समाजात एक सकारात्मक संदेश गेला आहे.
मुलांच्या सुरक्षेसाठी आरपीएफची बांधिलकी
आरपीएफ पुणेने केलेली ही यशस्वी कारवाई केवळ मुलांना वाचविण्यातच महत्त्वाची नाही, तर “ऑपरेशन नन्हे फरिश्ते” या राष्ट्रीय उपक्रमांतर्गत मुलांच्या सुरक्षेसाठी रेल्वे सुरक्षा दलाची बांधिलकी अधोरेखित करते. रेल्वे मार्गांवर हरवलेली मुलं शोधून त्यांना योग्य ठिकाणी परत करण्यासाठी आरपीएफ सातत्याने प्रयत्नशील आहे.
