रतन टाटांचा सेशेल्समधील आलिशान व्हिला विक्रीसाठी; जुन्या मित्राची तब्बल ५५ कोटींची बोली
रतन टाटांचा सेशेल्समधील आलिशान व्हिला विक्रीसाठी; जुन्या मित्राची तब्बल ५५ कोटींची बोली
रतन टाटांचा सेशेल्समधील भव्य व्हिला विक्रीच्या प्रक्रियेत असून, एअरसेलचे संस्थापक शिवशंकरन यांच्या कुटुंबाने ५५ कोटी रुपयांची बोली लावली आहे. हायकोर्टाने व्यवहारातील रकमेच्या विभागणीचा आदेश दिला आहे.
सायली मेमाणे
पुणे २९ नोव्हेंबर २०२५ : टाटा समूहाचे माजी अध्यक्ष आणि जगप्रसिद्ध उद्योगपती रतन टाटा यांचा सेशेल्समधील आलिशान व्हिला सध्या विक्री प्रक्रियेत आला असून या मालमत्तेबाबत मोठी चर्चा रंगली आहे. माहे बेटावरील समुद्रकिनारी असलेला हा भव्य व्हिला रतन टाटा यांच्या वैयक्तिक मालकीतील एक सर्वात महत्त्वाचा मालमत्ता म्हणून ओळखला जातो. या व्हिलासाठी एअरसेलचे संस्थापक सी. शिवशंकरन यांच्या कुटुंबाने तब्बल ६.२ दशलक्ष डॉलर्स म्हणजेच सुमारे ५५ कोटी रुपयांची मोठी बोली लावली आहे. आश्चर्याची बाब म्हणजे, स्वतंत्र मूल्यांकनात या व्हिलाची किंमत फक्त ८५ लाख रुपये असल्याचे नमूद करण्यात आले होते. त्यामुळे एवढ्या मोठ्या रकमेची बोली लावण्यामागील कारणे चर्चेचा विषय ठरली आहेत.
या व्यवहाराच्या पार्श्वभूमीवर टाटा आणि शिवशंकरन यांच्यात असलेली अनेक दशकांची मैत्री महत्त्वाची ठरते. रतन टाटा यांनी हा व्हिला खरेदी करताना देखील त्यांना शिवशंकरन यांनीच मदत केली होती. दोघांमधील जवळीकीचे आणखी एक उदाहरण म्हणजे मुंबईत ते दररोज टाटांच्या घरी भेट देत आणि सुमारे ४५ मिनिटे एकत्र वेळ घालत असत. टाटांच्या जागतिक प्रतिमेमुळेच सेशेल्ससारख्या देशात, जिथे सर्वसामान्यांना जमिनीचा ताबा घेण्याची परवानगी मिळत नाही, तिथे त्यांना हे प्रॉपर्टी खरेदी करता आली होती. त्यामुळे जुनी ओळख आणि विश्वास यांचा या व्यवहारावर मोठा प्रभाव पडल्याचे मानले जात आहे.
मालमत्ता विक्री झाली तर त्यातून मिळणाऱ्या पैशाचे विभाजन कसे होणार, यावरही बॉम्बे हाय कोर्टाचे निर्देश स्पष्ट आहेत. १६ जून २०२५ रोजी दिलेल्या आदेशानुसार, या विक्रीतून येणारी रक्कम रतन टाटा एंडोमेंट फाउंडेशन आणि रतन टाटा एंडोमेंट ट्रस्ट या दोन्ही संस्थांमध्ये समान प्रमाणात वाटली जाणार आहे. त्यामुळे या विक्रीतून येणारा निधी समाजोपयोगी कार्यांसाठी वापरला जाऊ शकतो अशी शक्यता आहे.
दरम्यान, व्यवहार पूर्ण होण्याबाबत काही शंका निर्माण झाल्या आहेत कारण सी. शिवशंकरन यांच्यावर सेशेल्स सुप्रीम कोर्टात दिवाळखोरीची कारवाई सुरू आहे. या स्थितीत त्यांचे कुटुंब एवढी मोठी मालमत्ता खरेदी करू शकते का, तसेच दिवाळखोरीची प्रक्रिया या व्यवहारावर कसा परिणाम करेल, हे पाहणे महत्त्वाचे ठरणार आहे. सेशेल्समधील कायदेशीर प्रक्रियेच्या चौकटीत हा व्यवहार पुढे कसा सरकतो आणि अंतिम निर्णय काय येतो, याकडे सर्वांचे लक्ष लागले आहे.
या संपूर्ण प्रकरणामुळे रतन टाटा यांच्या वैयक्तिक मालमत्तेबाबत मोठी उत्सुकता निर्माण झाली आहे. एकीकडे जुने मित्र असलेले शिवशंकरन यांच्या कुटुंबाची मोठी बोली आणि दुसरीकडे मालमत्तेच्या अतिशय कमी मूल्यांकनातील तफावत, या दोन गोष्टींमुळे हा व्यवहार अधिकच गाजू लागला आहे. रतन टाटा यांच्या निधनानंतर त्यांच्या वैयक्तिक संपत्तीचे व्यवस्थापन आणि त्यातून होणारा सामाजिक उपयोग हा चर्चेचा विषय बनला होता. आता या व्हिला विक्रीच्या प्रकरणामुळे त्या चर्चेला पुन्हा वेग आला आहे.
Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz
Also Read: Pune’s Latest Information
