संगमनेरमध्ये किर्तनकार भंडारे विरोधात थोरात समर्थकांचा मोर्चा
संगमनेरमध्ये किर्तनकार भंडारे विरोधात थोरात समर्थकांचा मोर्चा
संगमनेरमध्ये किर्तनकार बापू भंडारे यांच्या विरोधात थोरात समर्थकांचा मोर्चा निघाला. या मोर्चात बाळासाहेब थोरात व महाविकास आघाडीचे नेते सहभागी झाले. गृह खात्याच्या पाठिंब्याचा आरोप.
सायली मेमाणे
पुणे २१ ऑगस्ट २०२५ :संगमनेर | संगमनेर शहरात राजकीय आणि सामाजिक वर्तुळात मोठी खळबळ उडाली आहे. किर्तनकार बापू भंडारे यांच्या विरोधात थोरात समर्थकांनी मोर्चा काढला आहे. या मोर्चात कॉंग्रेस नेते व माजी मंत्री बाळासाहेब थोरात यांच्यासह महाविकास आघाडीचे अनेक नेते सहभागी झाले.
मोर्चादरम्यान समर्थकांनी बापू भंडारे यांच्यावर टीका करत घोषणाबाजी केली. बाळासाहेब थोरात यांनी यावेळी गृह खात्याचा अशा प्रवृत्तींना पाठिंबा असल्याचा गंभीर आरोप केला. त्यामुळे या घटनेला राजकीय रंग मिळाल्याचे स्पष्ट दिसत आहे.
संगमनेरमधील या मोर्चामुळे स्थानिक वातावरण तापले असून नागरिकांमध्ये चर्चांना उधाण आले आहे. समर्थकांचा हा मोर्चा शांततेत पार पडला असला तरी आगामी काळात यावरून संघर्ष अधिक तीव्र होण्याची शक्यता वर्तवली जात आहे.
स्थानिक पोलीस प्रशासन सतर्क असून परिस्थितीवर बारीक लक्ष ठेवून आहे.
