सलमान खानचा गणेश विसर्जनात धमाल डान्स, सोनाक्षीसह कुटुंबाचा आनंदोत्सव
सलमान खानचा गणेश विसर्जनात धमाल डान्स, सोनाक्षीसह कुटुंबाचा आनंदोत्सव
सलमान खानने गणेश विसर्जनात कुटुंबासह नाचून चाहत्यांना भारावून टाकले. अर्पिता, आयुष शर्मा आणि सोनाक्षी सिन्हासह सलमानचा डान्स व्हायरल
सायली मेमाणे
पुणे २९ ऑगस्ट २०२५ : बॉलीवूडचा दबंग स्टार सलमान खान नेहमीच आपल्या चाहत्यांच्या नजरेत केंद्रस्थानी असतो. विशेष प्रसंगी तो कुटुंब आणि जवळच्या मित्रमैत्रिणींसोबत साजरे केलेले क्षण सोशल मीडियावर चांगलेच व्हायरल होतात. यंदा गणेशोत्सवाच्या निमित्ताने सलमान खानच्या घरी बाप्पाची मोठ्या थाटामाटात स्थापना करण्यात आली होती. सलमान खान, त्याची बहीण अर्पिता खान शर्मा, मेहुणा आयुष शर्मा आणि संपूर्ण खान कुटुंबाने एकत्र येऊन हा सण साजरा केला. आता गणेश विसर्जनावेळी सलमान खानचा धमाल डान्स सोशल मीडियावर धुमाकूळ घालत आहे.
विसर्जनाच्या वेळी सलमान खान पारंपरिक वेशभूषेत खूप आनंदी मूडमध्ये दिसला. मोठ्या कडक सेक्युरिटीच्या घेरावात असतानाही भाईजानने चाहत्यांसाठी वेळ काढला आणि गणपती बाप्पाच्या गजरात डान्स करताना दिसला. या सोहळ्यात अभिनेत्री सोनाक्षी सिन्हा हेदेखील उपस्थित होती. सलमान खान आणि सोनाक्षी यांची मैत्री चाहत्यांना चांगलीच परिचित आहे. त्यामुळे दोघांचा डान्स व्हिडिओ पाहून फॅन्समध्ये मोठी उत्सुकता निर्माण झाली आहे.
या व्हिडिओमध्ये सलमान खान उत्साहाने थिरकत असल्याचे दिसते, तर बाजूलाच सोनाक्षी सिन्हा देखील तालावर नाचताना कॅमेऱ्यात कैद झाली आहे. सोशल मीडियावर काही तासांतच हा व्हिडिओ हजारोंच्या संख्येने शेअर करण्यात आला आहे. सलमान खानचे चाहते सतत हा व्हिडिओ पाहत असून ‘भाईजान नेहमीच फुल एनर्जीमध्ये असतो’ अशा प्रतिक्रिया देत आहेत.
सलमान खानचा हा डान्स फक्त चाहत्यांनाच नाही तर त्याच्या कुटुंबीयांनाही आनंद देणारा ठरला आहे. अर्पिता खान शर्मा आणि आयुष शर्मा यांनीही बाप्पाला निरोप देताना भावपूर्ण क्षण सोशल मीडियावर शेअर केले आहेत. संपूर्ण खान कुटुंबाने एकत्र येऊन बाप्पाला निरोप देताना एक वेगळाच उत्साह आणि भक्तीभाव व्यक्त केला.
सलमान खानच्या कडक सिक्युरिटीच्या घेरावात हा डान्स झाल्यामुळे चाहत्यांना त्याच्या जवळ जाण्याची संधी कमी मिळाली. तरीदेखील व्हिडिओद्वारे सलमानने चाहत्यांचे मन जिंकले आहे. गणपती विसर्जनाचे हे क्षण सलमान खानच्या चाहत्यांसाठी नक्कीच अविस्मरणीय ठरले आहेत. सोशल मीडियावर या व्हिडिओला लाखो व्ह्यूज मिळाले असून सलमानचे डान्स स्टेप्स सध्या चर्चेत आहेत.
सलमान खानचे असे कौटुंबिक आणि आनंदी क्षण पाहून त्याचे चाहते त्याच्यावर पुन्हा एकदा फिदा झाले आहेत. गणेशोत्सवात सलमानने दाखवलेली ऊर्जा, भक्ती आणि कौटुंबिक एकतेची भावना यामुळे हा व्हिडिओ व्हायरल होणे अपेक्षितच होते.
