निवृत्त ACP वर सूनेचा बलात्काराचा आरोप; सासरे, पती आणि सासूवर गुन्हा दाखल

महाबळेश्वर हनिमूननंतर पीडित पत्नीने धक्कादायक खुलासा केला आहे. पती नपुंसक असल्याचा आरोप करत सासऱ्याने शरीरसंबंधाची मागणी केली आणि त्यानंतर जबरदस्ती बलात्काराचा प्रयत्न केल्याची तक्रार दाखल. निवृत्त ACP सह तिघांवर गुन्हा दाखल.

सायली मेमाणे

पुणे १२ सप्टेंबर २०२५ : पुणे जिल्ह्यातील पोलिस दलातील निवृत्त ACP वर गंभीर आरोप झाला आहे. त्यांच्या सूनेने थेट बलात्काराचा प्रयत्न आणि मानसिक छळ झाल्याची धक्कादायक तक्रार दाखल केली आहे. या प्रकरणात सासरे, पती आणि सासू या तिघांवर गुन्हा दाखल करण्यात आला असून घटनेमुळे समाजात खळबळ उडाली आहे.

मिळालेल्या माहितीनुसार, फिर्यादीचे लग्न काही दिवसांपूर्वी झाले होते. लग्नानंतर दांपत्य हनिमूनसाठी महाबळेश्वरला गेले होते. मात्र, तेथे पती गौरव तांबे याने आपल्या पत्नीला शारीरिक संबंध ठेवण्यास नकार दिला. या घटनेमुळे पीडितेला धक्का बसला. तिने पुढे सांगितले की पती नपुंसक आहे आणि या कारणावरून सासऱ्याने शरीरसंबंध ठेवण्याची मागणी केली.

फिर्यादीच्या मते, तिच्या सासूने आणि पतीनेही या प्रकरणात दबाव टाकत सतत त्रास देण्यास सुरुवात केली. मुल हवं असल्यास सासऱ्याबरोबर शारीरिक संबंध ठेवावे लागतील, असा अमानुष दबाव तिच्यावर आणला जात होता. १० सप्टेंबर रोजी तर परिस्थिती अधिक गंभीर झाली. फिर्यादीच्या तक्रारीनुसार, रात्रीच्या सुमारास निवृत्त ACP असलेल्या सासऱ्याने ओळखीचा धाक दाखवून घरात घुसून जबरदस्ती शारीरिक सुखाची मागणी केली.

या प्रकरणात फिर्यादीने थेट पोलिसांकडे धाव घेतली असून गुन्हा दाखल करण्यात आला आहे. पोलिसांनी प्राथमिक तपास सुरू केला असून या गंभीर आरोपांमुळे निवृत्त ACP तांबे आणि त्यांच्या कुटुंबीयांवर कठोर कारवाई होण्याची शक्यता आहे.

समाजातील प्रतिष्ठित मानल्या जाणाऱ्या कुटुंबातून असे आरोप समोर येणे हे अत्यंत धक्कादायक आहे. विवाहानंतर एका महिलेवर अशा प्रकारे अमानुष दबाव आणला जाणे आणि सासऱ्यासारख्या नात्यानेही जबरदस्ती करण्याचा प्रयत्न करणे यामुळे महिलांच्या सुरक्षेबाबत पुन्हा प्रश्नचिन्ह निर्माण झाले आहे.

या प्रकरणाची चौकशी उच्च स्तरावर होणार असून आरोपींवर बलात्कार, छळ आणि गुन्हेगारी धमकीसारख्या कलमांखाली कारवाई होण्याची शक्यता आहे. पोलिस सूत्रांच्या माहितीनुसार, निवृत्त पोलिस अधिकारी असल्याने आरोपीने आपली ओळख आणि प्रभाव वापरण्याचा प्रयत्न केला होता. मात्र, पीडित महिलेच्या धाडसामुळे हा प्रकार उघडकीस आला आहे.

समाजात महिलांविरुद्ध होणाऱ्या अत्याचारांची ही केवळ एक उदाहरण आहे. कायद्याची अंमलबजावणी करणाऱ्या यंत्रणेत काम केलेल्या निवृत्त अधिकाऱ्यावर असे आरोप होणे हे अत्यंत चिंताजनक असल्याचे समाजातील नागरिकांचे म्हणणे आहे. पोलिसांनी निष्पक्ष तपास करून आरोपींना कठोर शिक्षा व्हावी, अशी मागणी होत आहे.

या घटनेमुळे महिलांच्या सन्मान आणि सुरक्षेबाबत पुन्हा एकदा गंभीर चर्चा सुरू झाली आहे. लग्नासारख्या नात्याला कलंक लावणारा हा प्रकार संपूर्ण समाजासाठी धक्कादायक ठरला आहे.

Do-follow Links:
Instagram
YouTube
Facebook
Twitter

Also Read More About Pune

About The Author

Sayali Memane

Sayali Memane is a Pune-based journalist at NewsDotz, covering Maharashtra news, current affairs, and trending updates. She focuses on clear, factual, and fast digital reporting, delivering reliable news content tailored for modern audiences across platforms.

See author's posts