मतचोरीच्या काँग्रेसच्या आरोपांना नक्षलवाद्यांचा पाठिंबा; मोदींवर गंभीर आरोप
मतचोरीच्या काँग्रेसच्या आरोपांना नक्षलवाद्यांचा पाठिंबा; मोदींवर गंभीर आरोप
मतचोरीबाबत काँग्रेससह विरोधी पक्षांनी केलेल्या आरोपांना नक्षलवाद्यांचा पाठिंबा. सेंट्रल कमिटीच्या पत्रकात पंतप्रधान मोदींवर गुजरातपासून लोकसभा आणि विधानसभा निवडणुकांपर्यंत मतचोरीचे आरोप.
सायली मेमाणे
पुणे १३ सप्टेंबर २०२५ : देशात मतचोरीबाबत सुरू असलेल्या राजकीय चर्चेला नवा कलाटणी देणारी घटना समोर आली आहे. काँग्रेस आणि इतर विरोधी पक्षांनी केलेल्या मतचोरीच्या आरोपांना आता नक्षलवाद्यांकडून पाठिंबा मिळाल्याचे दिसून येत आहे. नक्षलवाद्यांच्या सर्वोच्च निर्णय प्रक्रिया करणाऱ्या ‘सेंट्रल कमिटी’ने नुकतेच एक पत्रक प्रसिद्ध केले असून त्यात थेट पंतप्रधान नरेंद्र मोदी आणि भाजपवर गंभीर आरोप करण्यात आले आहेत.
या पत्रकात असा दावा करण्यात आला आहे की नरेंद्र मोदी यांनी गुजरातचे मुख्यमंत्री असतानापासूनच मतचोरीच्या माध्यमातून विधानसभा निवडणुका जिंकल्या आहेत. हीच पद्धत त्यांनी 2024 च्या लोकसभा निवडणुकीत आणि त्यानंतर झालेल्या महाराष्ट्र विधानसभा निवडणुकीतही वापरली, असा नक्षलवाद्यांचा ठाम आरोप आहे. काँग्रेसने गेल्या काही महिन्यांपासून सतत ईव्हीएम हॅकिंग, मतदान प्रक्रियेत गोंधळ आणि प्रशासनाच्या दबावासारख्या मुद्द्यांवरून सरकारवर टीका केली आहे. त्याला या पत्रकामुळे आणखी एक वळण मिळाले आहे.
नक्षलवाद्यांच्या सेंट्रल कमिटीने प्रसिद्ध केलेल्या या निवेदनात असा आरोप आहे की, मोदी आणि भाजपने निवडणूक प्रक्रियेतील पारदर्शकता धोक्यात आणली आहे. तसेच देशभरात जनतेच्या मतांचा अपमान करून सत्ता मिळवली आहे. यामुळे भारतीय लोकशाहीची मुळं हादरल्याचे पत्रकात म्हटले आहे.
या घडामोडीनंतर राजकीय वातावरण आणखी तापण्याची शक्यता आहे. विरोधी पक्षांना त्यांच्या भूमिकेला पुष्टी मिळाल्याचे वाटत आहे, तर सत्ताधारी भाजप या आरोपांना तीव्र शब्दांत फेटाळण्याची शक्यता आहे. पंतप्रधान मोदींवर केलेले हे आरोप केवळ राजकीय विरोधकांकडूनच नव्हे तर नक्षलवादी चळवळीतील उच्च पातळीवरून येत असल्यामुळे त्याला विशेष महत्त्व दिले जात आहे.
काँग्रेसने नुकतेच पत्रकार परिषद घेऊन मतचोरीबाबतचा मुद्दा पुन्हा उचलला होता. त्यात त्यांनी ईव्हीएम मशीनची विश्वासार्हता आणि निवडणूक आयोगाची भूमिका यावर प्रश्नचिन्ह उपस्थित केले होते. आता नक्षलवाद्यांच्या या निवेदनामुळे काँग्रेसच्या मागण्यांना आणि आरोपांना आणखी धार मिळण्याची शक्यता आहे.
तज्ज्ञांच्या मते, नक्षलवादी चळवळीने सामान्यतः राष्ट्रीय राजकारणातील मुद्द्यांवर सार्वजनिक पातळीवर भूमिका घेतलेली नसते. मात्र, या वेळेस त्यांनी मोदी आणि भाजपवर थेट आरोप केले आहेत, हे विशेष लक्षवेधी आहे. या पत्रकामुळे निवडणूक प्रक्रियेवर विश्वास ठेवणाऱ्या जनतेत संभ्रम निर्माण होऊ शकतो, असेही मत मांडले जात आहे.
राजकीय विश्लेषकांचे म्हणणे आहे की, मतचोरीबाबतचा मुद्दा आगामी निवडणुकांमध्येही महत्त्वाचा ठरणार आहे. विरोधी पक्ष हा मुद्दा आक्रमकपणे मांडतील आणि मतदारांपर्यंत पोहोचवतील. दुसरीकडे भाजप या आरोपांचे खंडन करून आपली बाजू मांडेल. त्यामुळे देशातील राजकीय वातावरण आणखी चुरशीचे होण्याची शक्यता आहे.
सध्या या संपूर्ण घडामोडीवर निवडणूक आयोग काय भूमिका घेतो याकडे सर्वांचे लक्ष लागले आहे. नक्षलवाद्यांच्या पत्रकामुळे आरोपांचे गांभीर्य वाढले असून, या प्रकरणाचा परिणाम आगामी निवडणुकीच्या चर्चेत नक्कीच जाणवणार आहे.
