Induri Chaat Dadar: मनसे नेत्याचं नवीन हॉटेल, शेफ Shilpa Khanna देखील फॅन
मनसे नेत्याचं नवीन हॉटेल, शेफ Shilpa Khanna देखील फॅन
दादरमध्ये मनसे नेते संदीप देशपांडे यांनी सुरू केलेलं ‘इंदुरी चाट आणि बरंच काही’ हॉटेल लोकप्रिय झाले आहे. प्रसिद्ध शेफ शिप्रा खन्ना आणि रश्मी उदयसिंग यांनी हॉटेलचे कौतुक केले आहे.
सायली मेमाणे
पुणे २० सप्टेंबर २०२५ : मुंबईच्या दादरमध्ये खाद्यसंस्कृतीच्या वैभवात भर टाकणारे नवीन हॉटेल ‘इंदुरी चाट आणि बरंच काही’ नुकतेच सुरू झाले आहे. हे हॉटेल मनसे नेते संदीप देशपांडे यांचे आहे. हॉटेलमध्ये इंदुरी चाटपासून विविध महाराष्ट्रीयन फ्युजन पदार्थ मिळतात. प्रसिद्ध शेफ शिप्रा खन्ना आणि रश्मी उदयसिंग यांनी नुकतेच या हॉटेलला भेट दिली आणि त्याचे कौतुक केले. संदीप देशपांडे यांनी स्वतः सोशल मीडिया नेटवर्क X वर ही माहिती शेअर केली आहे.
इंदुरी खाद्यपदार्थांचा इतिहास महाराष्ट्राशी जुडलेला आहे. मध्य प्रदेशमधील इंदूर शहर मराठा साम्राज्याच्या काळापासून खवय्यांसाठी प्रसिद्ध आहे. पहिल्या बाजीराव पेशवे आणि मल्हाराव होळकरांच्या काळात इंदूरमध्ये महाराष्ट्रीयन संस्कृतीचा प्रभाव दिसतो. इंदुरी पदार्थांमध्ये पोहे, साबुदाणा खिचडी, बेडी पुरी, कढी वडा, कांजी वडा आणि इंदुरी नमकीन यांचा समावेश होतो. या पदार्थांची खासियत म्हणजे त्यात नमकीनाचा भरपूर वापर आणि वाफेवर (steam) बनवण्याची पारंपरिक पद्धत.
संदीप देशपांडे यांनी सांगितले की, मुंबईमध्ये साऊथ इंडियन, चायनिज आणि पंजाबी खाद्यपदार्थांचे पर्याय भरपूर आहेत, पण महाराष्ट्रीयन फ्युजन पदार्थ कमी दिसतात. त्यांनी इंदूरला भेट दिली आणि तिथले पोहे, साबुदाणा खिचडी आणि बेडी पुरी यांची पद्धत पाहून मुंबईमध्ये याला सुरुवात करण्याचा निर्णय घेतला. हॉटेलच्या उद्देशाने मुंबईकरांना वेगळा आणि खास स्वाद अनुभवता यावा असा होता.
हॉटेलमध्ये पोहे आणि साबुदाणा खिचडी तेल न वापरता वाफेवर केले जातात. कढी वडा, कांजी वडा, इंदुरी नमकीन आणि शेव या पदार्थांचे देखील हॉटेलमध्ये विशेष महत्त्व आहे. पदार्थांची किंमत 50 ते 150 रुपयांच्या दरम्यान आहे.
संदीप देशपांडे यांनी आपल्या मुलाखतीत सांगितले की, मराठी माणूस व्यवसायात पुढे जाऊ शकतो. अनेक मोठ्या कंपन्यांचे CEO हे मराठी आहेत, त्यामुळे व्यवसायात मराठी माणसाचे योगदान मोठे आहे. इंदुरी हॉटेलच्या माध्यमातून ते आपल्या सांस्कृतिक खाद्यपदार्थांचा प्रचार करण्यास उत्सुक आहेत.
‘इंदुरी चाट आणि बरंच काही’ हॉटेलचे पत्ता खालीलप्रमाणे आहे:
दुकान क्र. 2, इंदुरी नमकीन चाट, रानडे रोड, चंदेकर स्वीट्सच्या समोर, धुरू वाडी, दादर पश्चिम, दादर, मुंबई, महाराष्ट्र 400028
वेळ: 8AM – 9PM (Non AC) | 11AM – 9PM (AC)
सोमवार बंद
मुंबईच्या खाद्यसंस्कृतीमध्ये ‘इंदुरी चाट आणि बरंच काही’ हॉटेल एक नवीन ठिकाण ठरेल, जिथे पारंपरिक इंदुरी पदार्थांचा स्वाद आणि महाराष्ट्रीयन फ्युजन पदार्थांचा अनुभव घेता येईल.
