विकासासाठी ठाम निर्णय : प्रभाग ३४ (अ) मध्ये बाप्पूसाहेब पोकळेंची नवी राजकीय वाटचाल
विकासासाठी ठाम निर्णय : प्रभाग ३४ (अ) मध्ये बाप्पूसाहेब पोकळेंची नवी राजकीय वाटचाल
प्रलंबित नागरी समस्यांच्या पार्श्वभूमीवर बाप्पूसाहेब पोकळे यांनी अजित पवार यांच्या नेतृत्वाखालील राष्ट्रवादी काँग्रेसमध्ये प्रवेश करून प्रभाग ३४ (अ) साठी विकासकेंद्री कारभाराचा मार्ग स्वीकारला आहे.
पुणे ९ जानेवारी २०२६ : विकासासाठी ठाम निर्णय : बाप्पूसाहेब पोकळेंची नवी राजकीय वाटचाल
प्रभाग क्रमांक ३४ (अ) मधील नागरिक गेल्या अनेक वर्षांपासून मूलभूत नागरी समस्यांना सामोरे जात आहेत. खराब रस्ते, अनियमित पाणीपुरवठा, ड्रेनेजची समस्या, वाढती वाहतूक कोंडी आणि स्वच्छतेचा अभाव हे विषय आता केवळ चर्चेपुरते मर्यादित राहिले नसून, त्यावर तातडीने आणि ठोस कृती होणे गरजेचे झाले आहे. अशा परिस्थितीत अनुभव, स्थानिक परिस्थितीची जाण आणि परिणामकारक काम करण्याची जिद्द असलेले नेतृत्व म्हणून बाप्पूसाहेब पोकळे यांचे नाव पुढे येत आहे.
भारतीय जनता पार्टीत दीर्घकाळ कार्यरत असताना विकासकामांमध्ये सक्रिय सहभाग असूनही पक्षाकडून त्यांना बाजूला सारण्यात आले. मात्र या परिस्थितीने खचून न जाता, प्रभागाच्या सर्वांगीण विकासासाठी अधिक प्रभावीपणे काम करता यावे, या उद्देशाने त्यांनी अजित पवार यांच्या नेतृत्वाखालील राष्ट्रवादी काँग्रेस पक्षात प्रवेश करण्याचा ठाम निर्णय घेतला. हा निर्णय वैयक्तिक राजकीय महत्त्वाकांक्षेपेक्षा प्रभाग ३४ (अ) मधील नागरिकांच्या प्रश्नांवर केंद्रित असल्याचे ते स्पष्टपणे सांगतात.
बाप्पूसाहेब पोकळेंचा विकास आराखडा वास्तववादी असून तो थेट स्थानिक गरजांवर आधारित आहे. अंतर्गत रस्त्यांचे सिमेंट काँक्रिटीकरण, जुन्या व गळती लागलेल्या पाणीपुरवठा पाइपलाइन बदलणे, पावसाळ्यात पाणी साचू नये यासाठी सक्षम ड्रेनेज व्यवस्था उभारणे, तसेच आधुनिक कचरा व्यवस्थापन व स्वच्छता यंत्रणा राबवणे, हे त्यांच्या प्राधान्यक्रमात आहेत. यासोबतच महिलांची सुरक्षितता, ज्येष्ठ नागरिकांसाठी विरंगुळा केंद्रे, तसेच युवकांसाठी क्रीडा आणि रोजगाराभिमुख उपक्रम राबवण्यावरही त्यांचा भर आहे.
“स्थानिक स्वराज्य म्हणजे केवळ निवडणूक जिंकणे नव्हे, तर घराघरात जाऊन नागरिकांच्या समस्या समजून घेऊन त्या सोडवणे,” असे मत बाप्पूसाहेब पोकेळे व्यक्त करतात. अजित पवार यांच्या नेतृत्वाखाली राष्ट्रवादी काँग्रेस पक्षाकडून आवश्यक प्रशासकीय पाठबळ मिळेल, आणि त्याच्या माध्यमातून विकासकामे अधिक प्रभावीपणे मार्गी लावता येतील, असा विश्वासही त्यांनी व्यक्त केला आहे.
अनुभव, स्पष्ट दृष्टीकोन आणि काम करण्याची तयारी यामुळे प्रभाग क्रमांक ३४ (अ) साठी बाप्पूसाहेब पोकळे हे एक सक्षम आणि आशादायी नेतृत्व म्हणून नागरिकांमध्ये पाहिले जात आहेत.
Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz
Also Read: Pune’s Latest Information
