Dhurandhar OTT Release Date: Netflix, Amazon Prime की Jio Hotstar? रणवीर सिंगचा सुपरहिट चित्रपट कधी पाहता येणार?
Dhurandhar OTT Release Date: Netflix, Amazon Prime की Jio Hotstar? रणवीर सिंगचा सुपरहिट चित्रपट कधी पाहता येणार?
Dhurandhar OTT Release Date: रणवीर सिंगचा ‘धुरंधर’ बॉक्स ऑफिसवर 500 कोटींचा टप्पा पार; Netflix ने डिजिटल हक्क घेतले, OTT रिलीज डेट जाणून घ्या.
पुणे २२ डिसेंबर २०२५ : रणवीर सिंग आणि दिग्दर्शक आदित्य धर यांच्या ‘धुरंधर’ या बहुचर्चित स्पाय थ्रिलर चित्रपटाने बॉक्स ऑफिसवर इतिहास रचला आहे. प्रदर्शित झाल्यानंतर अवघ्या १६ दिवसांत ५०० कोटी रुपयांचा टप्पा ओलांडत या चित्रपटाने अनेक विक्रम मोडले आहेत. विशेष म्हणजे, शाहरुख खानच्या ‘जवान’ चित्रपटाने ही कामगिरी १८ दिवसांत केली होती, मात्र ‘धुरंधर’ने तो विक्रम मोडीत काढत सर्वात जलद ५०० कोटी कमावणारा बॉलीवूड चित्रपट होण्याचा मान पटकावला आहे.
सॅकनिल्कच्या अहवालानुसार, ‘धुरंधर’ची बॉक्स ऑफिसवरील घोडदौड अजूनही सुरूच आहे. दुसऱ्या आठवड्यात चित्रपटाची कमाई पहिल्या आठवड्यापेक्षा जास्त राहिली, जे सहसा फार कमी चित्रपटांच्या बाबतीत पाहायला मिळते. भारतीय सिनेसृष्टीचा विचार केला तर अल्लू अर्जुनच्या ‘पुष्पा 2’ नंतर सर्वात जलद कमाई करणारा हा दुसरा चित्रपट ठरला आहे. दमदार कथानक, भव्य अॅक्शन सीक्वेन्स आणि कलाकारांचा प्रभावी अभिनय हे यशामागचे मुख्य कारण मानले जात आहे.
या प्रचंड यशानंतर आता सिनेरसिकांचे लक्ष ‘धुरंधर’च्या ओटीटी रिलीजकडे लागले आहे. Netflix, Amazon Prime Video की Jio Hotstar, या पैकी कोणत्या प्लॅटफॉर्मवर हा चित्रपट पाहता येणार, हा प्रश्न अनेकांना पडला आहे. मिळालेल्या माहितीनुसार, Netflix ने ‘धुरंधर’चे डिजिटल हक्क तब्बल 130 कोटी रुपयांना विकत घेतले आहेत. त्यामुळे हा चित्रपट Netflix वरच प्रदर्शित होणार असल्याचे जवळपास निश्चित मानले जात आहे.
सूत्रांच्या माहितीनुसार, ‘धुरंधर’ 30 जानेवारी 2026 रोजी Netflix वर स्ट्रीम होण्याची शक्यता आहे. विशेष म्हणजे, हा चित्रपट केवळ हिंदी भाषेतच नव्हे तर दाक्षिणात्य भाषांमध्येही उपलब्ध करून दिला जाणार आहे. त्यामुळे देशभरातील प्रेक्षकांना त्यांच्या आवडत्या भाषेत हा स्पाय थ्रिलर पाहता येणार आहे.
‘धुरंधर’ इतका सुपरहिट का ठरला, यावरही मोठ्या प्रमाणात चर्चा सुरू आहे. या चित्रपटात एका गुप्तहेराची कथा दाखवण्यात आली आहे, जो जीवावर उदार होऊन कराचीच्या गुन्हेगारी आणि राजकीय वर्तुळात शिरकाव करतो. थरारक कथानक, वेगवान पटकथा आणि वास्तवदर्शी अॅक्शनमुळे प्रेक्षक शेवटपर्यंत खिळून राहतात, असे समीक्षकांचे मत आहे.
रणवीर सिंगने या चित्रपटात साकारलेली भूमिका ही त्याच्या आजवरच्या कारकिर्दीतील सर्वोत्तम भूमिकांपैकी एक मानली जात आहे. त्याचसोबत संजय दत्त, आर. माधवन आणि अक्षय खन्ना यांच्या भूमिका देखील प्रेक्षकांच्या विशेष पसंतीस उतरल्या आहेत. प्रत्येक कलाकाराने आपल्या भूमिकेला योग्य न्याय दिल्यामुळे चित्रपटाची प्रभावीता अधिक वाढली आहे.
‘धुरंधर’ हा दोन भागांच्या मालिकेतील पहिला चित्रपट असून त्याचा दुसरा भाग 2026 मध्ये प्रदर्शित होणार आहे. पहिल्या भागाला मिळालेल्या प्रचंड यशामुळे दुसऱ्या भागाबाबतही प्रेक्षकांमध्ये उत्सुकता शिगेला पोहोचली आहे. बॉक्स ऑफिसवर धडाकेबाज कामगिरी केल्यानंतर आता ओटीटीवरही ‘धुरंधर’ मोठा विक्रम प्रस्थापित करेल, अशी अपेक्षा व्यक्त केली जात आहे.
Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/
Twitter – https://x.com/NewsDotz
Also Read: Pune’s Latest Information
