Gautami Patil Pune Accident: गौतमी पाटील हिला पुण्यातील अपघात प्रकरणात क्लीन चिट
गौतमी पाटील हिला पुण्यातील अपघात प्रकरणात क्लीन चिट
पुण्यातील नवले उड्डाणपुलाजवळ झालेल्या अपघात प्रकरणात प्रसिद्ध नृत्यांगना गौतमी पाटील हिला पुणे पोलिसांकडून क्लीन चिट. तपासात गौतमी अपघाताच्या वेळेस गाडीत नसल्याचे स्पष्ट झाले.
सायली मेमाणे
पुणे ६ ऑक्टोबर २०२५ : पुण्यातील नवले उड्डाणपुलाजवळ ३० सप्टेंबर रोजी झालेल्या अपघात प्रकरणात गौतमी पाटील हिला मोठा दिलासा मिळाला आहे. अपघातात गौतमी पाटीलच्या कारने एका रिक्षाला धडक दिल्याची तक्रार करण्यात आली होती. या धडकेत रिक्षाचालक सामाजी विठ्ठल मरगळे गंभीर जखमी झाले.
गौतमी पाटील हिला या प्रकरणात पुणे पोलिसांकडून क्लीन चिट देण्यात आली आहे. पोलिस तपासात स्पष्ट झाले की अपघाताच्या वेळेस गौतमी पाटील गाडीत उपस्थित नव्हती. तपासासाठी पुणे पोलिसांनी तब्बल १०० सीसीटीव्ही फुटेज पडताळली, ज्यामध्ये अपघाताच्या वेळी फक्त गौतमी पाटीलचा चालक कारमध्ये असल्याचे समोर आले.
गौतमीच्या कारने अपघातानंतर त्वरित टोईंग करून घटनास्थळावरून गाडीकाढले गेले. रिक्षावाल्यांच्या नातेवाईकांनी गौतमी पाटीलवर कठोर कारवाई करण्याची मागणी केली होती. या प्रकरणामुळे सामाजिक माध्यमांवर प्रचंड चर्चा सुरु झाली होती आणि प्रशासकीय कारवाईवर प्रश्नचिन्ह निर्माण झाले होते.
पुण्यातील कोथरुडचे आमदार चंद्रकांत पाटील यांनी देखील या प्रकरणात तातडीने कारवाई करण्याच्या सूचना पुणे पोलिसांना दिल्या होत्या. पोलिसांनी या प्रकरणासाठी एका विशेष अधिकाऱ्याची नियुक्ती केली होती. तपासानंतर स्पष्ट झाले की अपघाताच्या वेळी कारमध्ये गौतमी पाटील उपस्थित नव्हती आणि त्यामुळे पोलिसांनी त्यांना क्लीन चिट देणे योग्य ठरवले.
या क्लीन चिटमुळे गौतमी पाटीलच्या वरून आरोपांचा बोजा कमी झाला आहे. तरीही अपघाताच्या वेळेची स्थिती आणि रिक्षाचालकाच्या जखमी होण्याची घटना न्यायालयीन तपासासाठी नोंदवली गेली आहे. अपघातानंतर रिक्षाचालक आणि त्यांच्या कुटुंबीयांनी पोलिसांकडे वेळेत तक्रार नोंदवली होती आणि घटनास्थळी तातडीने मदत केली.
हा प्रकार पुण्यातील वाहतूक सुरक्षेवर प्रश्न उपस्थित करतो. अपघाताच्या वेळी व्हिडिओ फुटेज आणि पोलिस तपासामुळे प्रकरणाचे वास्तव समोर आले आहे, ज्यामुळे गौतमी पाटीलच्या प्रतिमेला मोठा दिलासा मिळाला आहे.
