iPhone युजर्ससाठी मोठा झटका! Truecaller 30 सप्टेंबरनंतर कॉल रेकॉर्डिंग फीचर करणार बंद
iPhone युजर्ससाठी मोठा झटका! Truecaller 30 सप्टेंबरनंतर कॉल रेकॉर्डिंग फीचर करणार बंद
Truecaller ने iPhone युजर्ससाठी कॉल रेकॉर्डिंग सेवा बंद करण्याची घोषणा केली आहे. 30 सप्टेंबर 2025 नंतर हे फीचर iOS डिव्हाइसेसवर उपलब्ध नसेल. जाणून घ्या याचे कारण आणि पर्याय.
सायली मेमाणे
पुणे ४ ऑगस्ट २०२५ : iPhone वापरकर्त्यांसाठी एक महत्त्वाची बातमी आहे. Truecaller या लोकप्रिय कॉल आयडेंटिफिकेशन अॅपने iOS (iPhone) युजर्ससाठी कॉल रेकॉर्डिंग फीचर बंद करण्याची घोषणा केली आहे. 30 सप्टेंबर 2025 नंतर iPhone युजर्सना हे फीचर वापरता येणार नाही. ट्रूकॉलरचे iOS प्रमुख नकुल काबरा यांनी याबाबत अधिकृत माहिती दिली असून यामुळे अनेक युजर्सच्या दैनंदिन वापरावर परिणाम होणार आहे.
Truecaller ने स्पष्ट केलं आहे की, iOS डिव्हाइसेसवरील तांत्रिक अडचणींमुळे आणि Apple च्या सुरक्षा धोरणांमुळे हे फीचर बंद करावं लागत आहे. Android युजर्ससाठी Truecaller वर कॉल रेकॉर्डिंग सुविधा सुरूच राहणार आहे, मात्र iPhone युजर्सना 30 सप्टेंबर 2025 नंतर या सुविधेचा वापर करता येणार नाही.
Truecaller चे iOS विभागप्रमुख नकुल काबरा यांनी सांगितले की, “Apple ने कॉल रेकॉर्डिंगसंबंधित API वापरण्यावर मर्यादा घातल्यामुळे हे फीचर बंद करावे लागत आहे. कंपनीने युजर्ससाठी सुरक्षितता आणि पारदर्शकतेला सर्वोच्च प्राधान्य दिलं आहे.”
Truecaller ने iPhone युजर्ससाठी कॉल रेकॉर्डिंग फीचर 2023 मध्ये सुरू केलं होतं. यामध्ये थर्ड पार्टी व्हर्च्युअल नंबरद्वारे कॉलला merge करून रेकॉर्डिंग केले जात होते. मात्र हे फिचर वापरण्यासाठी वापरकर्त्यांना Truecaller Premium सबस्क्रिप्शन घ्यावं लागत होतं.
या फीचरच्या बंदीनंतर iPhone युजर्ससाठी कॉल रेकॉर्डिंगसाठी पर्याय खूपच मर्यादित होतील. कारण Apple च्या धोरणांनुसार, कॉल रेकॉर्डिंगसाठी थेट API वापरण्याची परवानगी दिली जात नाही. त्यामुळे वापरकर्त्यांना बाह्य अॅप्स किंवा हार्डवेअर डिव्हाइसेसचा वापर करावा लागू शकतो.
- Truecaller 30 सप्टेंबर 2025 नंतर iPhone युजर्ससाठी कॉल रेकॉर्डिंग बंद करणार.
- Apple च्या सुरक्षा धोरणांमुळे ही सुविधा बंद करण्याचा निर्णय.
- Truecaller Premium युजर्सवर याचा मोठा परिणाम होणार.
- Android युजर्ससाठी फीचर सुरूच राहणार.
जर तुम्ही Truecaller च्या कॉल रेकॉर्डिंग फीचरचा वापर करत असाल आणि iPhone युजर असाल, तर 30 सप्टेंबरपूर्वी महत्त्वाचे कॉल रेकॉर्डिंग्स सुरक्षितपणे सेव्ह करून ठेवा. याशिवाय पर्यायी साधनांची माहिती घेणंही उपयुक्त ठरेल.
