कोंढव्यात ATS आणि पुणे पोलिसांचे रात्रभर सर्च ऑपरेशन; काही संशयित ताब्यात
कोंढव्यात ATS आणि पुणे पोलिसांचे रात्रभर सर्च ऑपरेशन; काही संशयित ताब्यात
कोंढव्यात दहशतवाद विरोधी पथक (ATS) आणि पुणे पोलिसांनी रात्रभर सर्च ऑपरेशन केले. 350 पेक्षा अधिक पोलिस आणि ATS कर्मचारी सहभागी, काही संशयित ताब्यात.
सायली मेमाणे
पुणे ९ ऑक्टोबर २०२५ : पुण्यातील कोंढवा परिसरात दहशतवाद विरोधी पथक (ATS) आणि पुणे पोलिसांनी संयुक्तरित्या मोठे सर्च ऑपरेशन रात्रभर चालवले. मिळालेल्या प्राथमिक माहितीनुसार, या कारवाईत काही संशयितांना ताब्यात घेतल्याचे सांगण्यात येत आहे. या सर्च ऑपरेशनसाठी परिसरात पाचशेहून अधिक पोलीस कर्मचारी आणि सुरक्षा अधिकारी तैनात होते.
कोंढवा भागात बंदोबस्त ठेवण्यासाठी पोलिसांनी परिसरभर नियंत्रण ठेवले होते. प्राथमिक माहितीनुसार, या कारवाईत जवळपास 350 पुणे पोलिस आणि ATS चे अधिकारी व कर्मचारी सहभागी होते. गुप्त माहितीच्या आधारे ही कारवाई मध्यरात्रीपासून सकाळपर्यंत चालवण्यात आली.
एटीएस आणि पुणे पोलिसांनी कोंढवा परिसरातील तब्बल 19 ठिकाणी धाड टाकल्या. या दरम्यान अनेक संशयितांची चौकशी करण्यात आली, तसेच काही महत्त्वाचे पुरावेही पोलिसांनी जप्त केले आहेत. छापे टाकण्यात आलेल्या घरांवरील लोकांची ओळख आणि पार्श्वभूमीची तपासणी केली गेली. पोलिसांनी ही कारवाई राष्ट्रीय सुरक्षेशी संबंधित असल्याचे स्पष्ट केले.
सध्या पोलिस आणि सुरक्षा यंत्रणा या प्रकरणाच्या तपासात अत्यंत गोपनीयतेने काम करत आहेत. या कारवाईमुळे परिसरातील नागरिकांमध्ये सतर्कता वाढली असून, पोलिसांनी नागरिकांना कोणतीही असुरक्षा न बाळगण्याचे आवाहन केले आहे.
पुढील अधिकृत माहिती मिळाल्यानंतर या प्रकरणातील तपशील समोर येतील. तरीही, प्राथमिक अहवालानुसार ही कारवाई दहशतवाद विरोधी आणि राष्ट्रीय सुरक्षेशी संबंधित आहे, ज्यामुळे पोलिसांनी संवेदनशीलतेने आणि गांभीर्याने पुढील कारवाई सुरू ठेवली आहे.
या ऑपरेशनमुळे पुणे शहरात सुरक्षा यंत्रणांची तत्परता आणि दहशतवाद विरोधी कारवायांचा परिणाम स्पष्ट दिसून येतो. शहरातील नागरिकांनी सुरक्षा नियमांचे पालन करणे आणि पोलिसांकडून दिलेल्या सूचना गांभीर्याने पाळण्याचे आवाहन करण्यात आले आहे.
