महाराष्ट्रात FDA ने बनावट कफ सिरपवर कारवाई करून साठा जप्त केला
महाराष्ट्रात FDA ने बनावट कफ सिरपवर कारवाई करून साठा जप्त केला
मध्य प्रदेश आणि राजस्थानमध्ये बनावट खोकल्याच्या औषधामुळे बालकांच्या मृत्यूनंतर, महाराष्ट्राच्या FDA ने पुण्यातील रेडिनेस्क फार्मास्युटिकलच्या ‘रेसपिफ्रेश टी आर’ या औषधाचा मोठा साठा जप्त केला आणि बनावट औषधांवर कडक कारवाई केली.
सायली मेमाणे
पुणे ९ ऑक्टोबर २०२५ : महाराष्ट्रात बनावट कफ सिरपवर FDA ने मोठी कारवाई केली आहे. मध्य प्रदेश आणि राजस्थानमध्ये खोकल्याच्या बनावट औषधामुळे १९ बालकांच्या मृत्यूची घटना घडल्यावर महाराष्ट्र राज्याचे अन्न व औषध प्रशासन (FDA) सतर्क झाले आहे. या पार्श्वभूमीवर पुण्यात FDA ने रेडिनेस्क फार्मसिटीकल प्रायव्हेट लिमिटेड या कंपनीच्या उत्पादनावर कारवाई करत त्यांच्या ‘रेसपिफ्रेश टी आर’ (Respifresh TR) औषधाचा मोठा साठा जप्त केला आहे.
FDA च्या तपासानुसार, या औषधाचा दर्जा खोटा असल्याचे आढळले असून, बाजारात वितरित होण्यापूर्वीच या साठ्याचा जप्ती करण्यात आली. हे औषध मुख्यत्वे खोकल्याच्या उपचारासाठी वापरले जात होते, परंतु बनावट असल्यामुळे बालकांसह रुग्णांसाठी गंभीर धोका निर्माण झाला असता. FDA ने संबंधित अधिकाऱ्यांमार्फत कंपनीवर कठोर कारवाई करण्याचे आदेश दिले आहेत.
या घटनेनंतर पुण्यातील औषध विक्रेत्यांमध्ये सावधगिरी वाढली आहे. FDA ने व्यापाऱ्यांना सतर्क राहण्याचे आणि फक्त प्रमाणित व योग्य परवानाधारकांकडून औषध खरेदी करण्याचे निर्देश दिले आहेत. बनावट औषधांचा वापर थांबवण्यासाठी आणि नागरिकांचे जीवन सुरक्षित ठेवण्यासाठी प्रशासनाने योग्य पावले उचलली आहेत.
FDA ने सोशल मीडियावर आणि स्थानिक माध्यमांवर जनजागृती मोहीम सुरू केली आहे. नागरिकांनी फक्त अधिकृत दुकानातून औषध खरेदी करावे, आणि संशयास्पद औषधांविषयी त्वरित पोलीस किंवा FDA प्रशासनाला माहिती द्यावी. या कारवाईमुळे राज्यात बनावट औषधांविरुद्ध सतर्कता वाढेल आणि भविष्यात अशा घटनांचा धोका कमी होण्यास मदत होईल.
पुण्यातील FDA विभागाने ही कारवाई जलद आणि प्रभावी पद्धतीने केली आहे. या कारवाईत साठा जप्त करण्याबरोबरच कंपनीच्या अधिकाऱ्यांविरुद्ध पुढील तपास सुरू करण्यात आला आहे. या घटनेमुळे नागरिकांसाठी औषध सुरक्षा आणि विश्वास वाढवण्याची गरज अधोरेखित झाली आहे.
