World Archery Para Championships 2025: शितल देवीने जिंकले सुवर्णपदक, भारताचा अभिमान वाढवला
शितल देवीने जिंकले सुवर्णपदक, भारताचा अभिमान वाढवला
कोरियामधील ग्वायंजू येथे झालेल्या World Archery Para Championships 2025 मध्ये भारताची शितल देवी महिला कंपाऊंड ओपन फायनलमध्ये तुर्कीच्या ओझनुर क्युर गिर्डीवर मात करून सुवर्णपदक जिंकले.
सायली मेमाणे
पुणे २७ सप्टेंबर २०२५ : कोरिया: ग्वायंजूमध्ये सुरू असलेल्या जागतिक तिरंदाजी पॅरा चॅम्पियनशिप 2025 मध्ये भारताच्या युवा खेळाडू शितल देवीने इतिहास रचला आहे. महिला कंपाऊंड ओपनच्या अंतिम फेरीत तिने तुर्कीच्या ओझनुर क्युर गिर्डीवर मात करत सुवर्णपदक जिंकले आणि भारताचा मान जागतिक पातळीवर उंचावला. फायनलमध्ये शितल देवीने सुरुवातीपासूनच आघाडी घेत संपूर्ण सामन्यात उत्कृष्ट कामगिरी केली. अंतिम निकालात तिने 146–143 असा विजय मिळवला.
शितल देवीसाठी ही वर्ल्ड चॅम्पियनशिप पॅरा आर्चरीतील तिसरी सुवर्णकथा ठरली आहे. याआधी ती सांघिक स्पर्धेत रौम्य आणि कांस्य पदक जिंकलेली आहे. 2024 मध्ये पॅरिस पॅरा ऑलिम्पिकमध्ये तीन वेळा सुवर्णपदक जिंकलेल्या तिरंदाजीसही हरवत शितल देवीने गोल्ड मेडल भारताच्या नावावर केले. तिच्या कामगिरीने भारतीय खेळाडूंसाठी प्रेरणादायी उदाहरण निर्माण केले आहे.
शितल देवीच्या विजयामुळे भारताच्या पॅरा आर्चरीमध्ये पुनरुज्जीवनाचे वातावरण निर्माण झाले आहे. तिने आपली तांत्रिक कौशल्ये, मानसिक ताकद आणि चिकाटी दाखवून संपूर्ण सामन्यात स्थिरतेने कामगिरी केली. फायनलमध्ये तिने प्रत्येक ताण आणि दबावाचा सामना करत प्रेक्षकांना मंत्रमुग्ध केले.
भारतासाठी पॅरा आर्चरीच्या क्षेत्रात ही मोठी कामगिरी ठरली आहे. शितल देवीसारख्या युवा खेळाडूंच्या यशामुळे भविष्यातील आंतरराष्ट्रीय स्पर्धांमध्ये भारताचे नाव उज्ज्वल होईल, असे तज्ज्ञांचे मत आहे. तिच्या कामगिरीमुळे आंतरराष्ट्रीय स्तरावर भारतीय तिरंदाजीच्या दर्जाला भरभराट मिळणार आहे.
शितल देवीच्या यशाने देशभरातील खेळप्रेमींमध्ये उत्साह निर्माण केला आहे. सोशल मीडिया, न्यूज पोर्टल्स आणि विविध माध्यमांत तिच्या विजयाची चर्चा होत असून भारतीय खेळाडूंच्या यशाचे गौरव होत आहे. तिच्या कामगिरीने देशातील युवकांमध्ये पॅरा खेळांमध्ये भाग घेण्याची प्रेरणा दिली आहे.
शितल देवीने पुन्हा एकदा दाखवून दिले की मेहनत, चिकाटी आणि आत्मविश्वास असताना आंतरराष्ट्रीय स्तरावर चमकण्यास कोणतीही अडचण अडथळा ठरू शकत नाही. भारताच्या नावावर सुवर्णपदक जिंकल्यामुळे तिच्या करिअरमध्ये नवे यशाचे पर्व सुरु झाले आहे आणि भविष्यातील स्पर्धांमध्ये तिला अधिक मोठे यश मिळण्याची अपेक्षा आहे.
