पिंपरी चिंचवड: पत्नीने पतीचा गळा आवळून हत्या; सामाजिक कार्यकर्त्याचा जीवघेणा अंत
पिंपरी चिंचवड: पत्नीने पतीचा गळा आवळून हत्या; सामाजिक कार्यकर्त्याचा जीवघेणा अंत
पिंपरी चिंचवडमध्ये नकुल भोईरची पत्नी चैताली भोईरने चारित्र्याच्या संशयावरून हत्या केली. मृतक सामाजिक कार्यकर्ते होते, पोलिसांनी आरोपीला ताब्यात घेतले.
सायली मेमाणे
पुणे २४ ऑक्टोबर २०२५ : पिंपरी चिंचवड – पतीच्या सततच्या चारित्र्याच्या संशयाला कंटाळून पत्नीने आपला नवरा नकुल आनंद भोईर याचा गळा आवळून हत्या केल्याची धक्कादायक घटना चिंचवडमध्ये घडली आहे. मृतकाचा वय 40 वर्ष असून, आरोपी पत्नीचे नाव चैताली भोईर असे आहे. या घटनेमुळे चिंचवड परिसरात मोठी खळबळ उडाली आहे.
मिळालेल्या माहितीनुसार, आज पहाटे पावणे तीन वाजेच्या सुमारास नकुल आणि चैताली यांच्यात सततच्या संशयावरून जोरदार वाद झाला. हा वाद विकोपाला गेला आणि चिडलेल्या पत्नीने नकुलचा कापडाने गळा आवळून हत्या केली. या घटनेनंतर पोलिसांनी तात्काळ चैताली भोईरला ताब्यात घेतले आहे.
या दाम्पत्याला पाच आणि दोन वर्षांची दोन लहान मुले आहेत. पतीच्या हत्येमुळे कुटुंबीय आणि मुलांवर मोठे मानसिक व सामाजिक संकट आले आहे. पोलिसांनी प्रकरणी अधिक तपास सुरू केला आहे आणि पुढील कायदेशीर प्रक्रिया चालू आहे.
मृतक नकुल भोईर हा सामाजिक कार्यात सक्रिय होता. तो मराठा क्रांती मोर्चाच्या अनेक उपक्रमांमध्ये जिकरीने सहभागी होत असे. त्याचे अनेक संघटना आणि राजकीय नेत्यांशी जवळचे संबंध होते. समाजसेवेचा वारसा पुढे चालवण्यासाठी नकुलने आपल्या पत्नीला नगरसेवक बनवण्याचा मानस ठेवल्याचेही सांगितले जात आहे. आगामी पिंपरी चिंचवड महापालिकेच्या निवडणुकीमध्ये तो आपल्या पत्नीला निवडणुकीत उभे करणार होता. मात्र या घटनेमुळे संपूर्ण कुटुंब उद्ध्वस्त झाले आहे.
या प्रकारामुळे चिंचवड परिसरात नागरिकांमध्ये मोठा संताप आणि धक्का जाणवला आहे. स्थानिक समाजाने आणि कार्यकर्त्यांनी पोलिसांकडे आरोपीला कठोर कारवाई करण्याची मागणी केली आहे.
घटनेनंतर पोलिसांनी परिसरातील सीसीटीव्ही कॅमेरे तपासले आहेत आणि आरोपीच्या मोबाईल तसेच घटनास्थळी सापडलेल्या पुराव्यांचा अभ्यास केला जात आहे. या हत्येचा मूळ कारण व्यक्तीगत वैयक्तिक तणाव आणि वैवाहिक मतभेद असल्याचे प्राथमिक तपासात दिसून आले आहे.
या घटनेतून सामाजिक सुरक्षा, कुटुंबीयांचे संरक्षण आणि मानसिक स्वास्थ्य याकडे लक्ष देण्याची गरज अधोरेखित होते. स्थानिक प्रशासन आणि पोलिसांनी तातडीने कठोर कारवाई करण्याचे आश्वासन दिले आहे.
