विष्णू नाद शंख पथकाने जिंकली पुणेकरांची मनं : तांबडी जोगेश्वरी गणेश मिरवणुकीत ढोल-ताशांचा जल्लोष
विष्णू नाद शंख पथकाने जिंकली पुणेकरांची मनं : तांबडी जोगेश्वरी गणेश मिरवणुकीत ढोल-ताशांचा जल्लोष
तांबडी जोगेश्वरी गणेश मिरवणुकीत विष्णू नाद शंख पथकाने सादर केलेल्या शंखनाद आणि ढोल-ताशांच्या गजराने पुणेकरांची मनं जिंकली. उत्साह, भक्ती आणि परंपरेने रंगलेलं वातावरण.
सायली मेमाणे
पुणे २७ ऑगस्ट २०२५ : पुण्यातील मानाचा दुसरा गणपती तांबडी जोगेश्वरी यांच्या उत्साहमिरवणुकीला पारंपरिक ढोल-ताशा आणि शंखनादाचा गजर लाभला. यामध्ये विष्णू नाद शंख पथकाने दिलेली अद्वितीय कामगिरी पुणेकरांच्या मनाला भावली.
ढोल ताशांच्या ठेक्यावर सजलेली मिरवणूक आणि शंखनादाच्या पवित्र ध्वनीने भक्तिरस अधिक दाटून आला. प्रत्येक ठेक्यातील जोश, शिस्तबद्ध ताल आणि शंखनादाचा सुरेख संगम यामुळे गणपती बाप्पाच्या स्वागताला एक वेगळंच पारंपरिक वैभव लाभलं.
पुण्यातील गणेशोत्सव हा केवळ श्रद्धेचा नव्हे तर कलात्मक मिरवणुकांचा उत्सव म्हणून ओळखला जातो. यातून विष्णू नाद शंख पथकाने केलेली सादरीकरण ही परंपरेची आणि नव्या उर्जेची अनोखी सांगड ठरली. शंखाच्या आवाजाने वातावरणात पवित्रतेची भावना तर ढोल-ताशांच्या ठेक्यांनी उर्जेची लहर पसरली.
मिरवणुकीदरम्यान पुणेकरांनी पथकाला भरभरून दाद दिली. अनेकांनी मोबाईलवर त्याचे थेट प्रक्षेपण करत हा क्षण जपला. सोशल मीडियावरही शंखनाद आणि ढोल-ताशांच्या गजराचे व्हिडिओ मोठ्या प्रमाणात व्हायरल होत आहेत.
