पुण्यात पोलिसाची आत्महत्या: स्वारगेट पोलिस लाईनमध्ये 28 वर्षीय अंमलदाराने गळफास घेतला
स्वारगेट पोलिस लाईनमध्ये 28 वर्षीय अंमलदाराने गळफास घेतला
स्वारगेट पोलिस लाईनमध्ये 28 वर्षीय पोलिस अंमलदार स्वरुप जाधवने गळफास घेऊन आत्महत्या केली; मोबाईलमधून कारण शोधण्याचा प्रयत्न सुरू.
सायली मेमाणे
पुणे ८ जुलै २०२५ : खूप दुःखद घटना… पुण्यातील स्वारगेट पोलीस लाईनमध्ये एक 28 वर्षीय पोलीस शिपाईने आत्महत्या केली, ज्यामुळे संपूर्ण पोलीस दलात खळबळ उडाली आहे. हा पोलीस शिपाई, स्वरुप विष्णु जाधव, कोल्हापूर जिल्ह्यातील कसबा बावडा येथील रहिवासी असून त्यांनी 2023 मध्ये पुणे पोलीस दलात भरती झाले होते.
ही घटना 7 जुलै 2025 रोजी दुपारी 2:30 च्या सुमारास घडली. त्यानुसार, डायल 112 वरून 2:11 वाजता माहिती मिळाली, त्या तासाभरानंतर खडक पोलीस ठाण्याचे अधिकारी घटनास्थळी दाखल झाले. स्वारगेट पोलीस लाईनमधील अपार्टमेंटच्या तिसऱ्या मजल्यावर त्यांनी खोलीतील खिडकीच्या अँगलला टॉवेलच्या सहाय्याने गळफास घेतल्याचे प्राथमिक तपासात समोर आले आहे .
स्थळी कुठलीही सुसाईड नोट सापडली नाही, मात्र त्यांचा मोबाईल जप्त केला गेला असून तो अनलॉक करण्याचा प्रयत्न सुरू आहे, कारण कदाचित त्यातून आत्महत्येचे कारण स्पष्ट होईल. खडक पोलीस ठाण्याचे वरिष्ठ पोलीस निरीक्षक शशिकांत चव्हाण यांनी सांगितले की, “मोबाईल अनलॉक करून त्यातील माहिती मिळवण्याचे काम सुरु आहे. या घटनेमुळे पोलीस दलात शोक व्यक्त केला जात आहे.”
या आत्महत्येने पुणे पोलीस दलात गंभीर खळबळ उडाली आहे. एका युवराज पोलीसची ही अचानक आत्महत्या कारण अस्पष्ट असताना, सहकारी आणि अधिकारीही धक्का बसला आहेत. आत्महत्येचे नेमके कारण काय, हे अद्याप तपासात स्पष्ट होणार आहे.
या घटनेने काही गंभीर प्रश्न उपस्थित केले आहेत. त्यातील प्रमुख म्हणजे पोलीस कर्मचारी मानसिक, आर्थिक किंवा अन्य दबावाखाली होते का? यावर पोलीस तपास करत आहेत. सरकारकडून किंवा विभागाकडून पुढील काळात पोलीसांच्या मानसिक आरोग्याच्या संदर्भात कोणतीही योजना लागू होईल का, हेही महत्त्वाचे ठरणार आहे.
