शिरुर तालुक्यातील धोकादायक इसम एमपीडीए कायद्यान्वये कारागृहात स्थानबध्द
शिरुर तालुक्यातील धोकादायक इसम एमपीडीए कायद्यान्वये कारागृहात स्थानबध्द
शिरुर पोलीस स्टेशन हददीतील धोकादायक इसम विकास उर्फ काज्या बाबाजी चोरे (वय २५) एमपीडीए कायद्यान्वये मध्यवती कारागृह, अमरावती येथे स्थानबध्द करण्यात आला.
सायली मेमाणे
पुणे २७ सप्टेंबर २०२५ : पुणे ग्रामीण जिल्हा: शिरुर तालुक्यातील धोकादायक इसम विकास उर्फ काज्या बाबाजी चोरे (वय २५, रा. डोंगरगण, शिरुर) एमपीडीए कायद्यान्वये कारागृहात स्थानबध्द करण्यात आला आहे. पुणे ग्रामीण पोलीस अधीक्षक श्री. संदीप सिंह गिल्ल यांच्या मार्गदर्शनाखालील विशेष मोहिमेत, हा इसम सार्वजनिक सुव्यवस्थेस बाधक असलेल्या विविध गुन्ह्यांमध्ये गुंतलेला असल्याचे निष्पन्न झाले.
विकास उर्फ काज्या बाबाजी चोरेवर शिरुर पोलीस स्टेशन हद्दीतील विविध गुन्ह्यांच्या प्रकरणांमध्ये कारवाई करण्यात आली होती. त्यामध्ये अवैध शस्त्र बाळगणे, धारदार हत्यारांचा वापर करुन गंभीर दुखापत करणे, महिलांविरुद्ध गुन्हे करणे, बेकायदेशीर गदर्दी जमाव तयार करणे, अग्नीशस्त्र बाळगणे आणि अवैध उत्खनन करणे यांसारख्या गंभीर प्रकरणांचा समावेश होता. या प्रकारच्या गुन्ह्यांमुळे तो सराईत धोकादायक व्यक्ती म्हणून गणला जात होता.
पुणे ग्रामीण जिल्ह्यातील गुन्हेगारीवर नियंत्रण ठेवण्यासाठी एमपीडीए कायद्यांतर्गत स्थानबध्द करण्याची कारवाई करण्यात आली. या अंतर्गत जिल्हाधिकारी व जिल्हादंडाधिकारी पुणे श्री. जितेंद्र बुडी यांनी विकास उर्फ काज्या बाबाजी चोरेस प्रतिबंधात्मक आदेश जारी केले. या आदेशानुसार, हा इसम सार्वजनिक सुव्यवस्थेस बाधक कृत्ये करण्यापासून प्रतिबंधीत करण्यात आला.
शिरुर पोलीस स्टेशनच्या पोलीस निरीक्षक श्री. संदेश कंजळे यांच्या नेतृत्वाखाली विविध पोलीस पथके तयार करून १९/०९/२०२५ रोजी विकास उर्फ काज्या बाबाजी चोरे ताब्यात घेण्यात आला. त्यानंतर त्यास मध्यवती कारागृह, अमरावती येथे दाखल करण्यात आले आणि स्थानबध्दतेची कारवाई पूर्ण करण्यात आली.
ही कारवाई पुणे ग्रामीण जिल्ह्यातील धोकादायक व्यक्तींवर नियंत्रण ठेवण्याच्या दृष्टीने महत्त्वाची ठरली आहे. या मोहिमेमध्ये पोलीस उपनिरीक्षक श्री. शुभम चव्हाण, सहा. पोलीस उपनिरीक्षक महेश बनकर, पो.हवा. मंगेश धिगळे, पो.हवा. परशराम सांगळे, पोलीस अंमलदार सचिन भोई, नितेश थोरात, अजय पाटील, विजय शिंदे, निखील रावडे, अंबादास थोरे, निरज पिसाळ यांसारख्या विविध पोलीस अधिकाऱ्यांनी सक्रिय सहभाग घेतला.
पुणे ग्रामीण पोलीस विभागाच्या या यशस्वी कारवाईमुळे तालुक्यातील अवैध शस्त्र, गदर्दी जमाव आणि धोकादायक व्यक्तींबाबत नागरिकांचा विश्वास वाढला आहे. अशी कठोर कारवाई समाजात कायदा व सुव्यवस्था राखण्याच्या दृष्टीने अत्यंत महत्त्वाची आहे.
जनसंपर्क अधिकारी, पुणे ग्रामीण पोलीस यांनी सांगितले की, या मोहिमेमुळे तालुक्यातील गुन्हेगारीवर मोठा आघात झाला असून, भविष्यात अशा व्यक्तींवर तत्पर कारवाई सुरू राहणार आहे.
