महाराष्ट्रात दसरा मेळाव्यांची जय्यत तय्यारी; राजकीय रंग आणि जनतेत उत्सुकता
महाराष्ट्रात दसरा मेळाव्यांची जय्यत तय्यारी; राजकीय रंग आणि जनतेत उत्सुकता
राज्यात दसरा मेळाव्यांची जय्यत तय्यारी सुरू असून, राजकीय पक्षांचे नेते आपली ताकद दाखवण्यासाठी तयारीत आहेत. शिवसेना आणि इतर पक्षांच्या मेळाव्यांकडे जनतेचे लक्ष वेधले गेले आहे.
सायली मेमाणे
पुणे १ ऑक्टोबर २०२५ : महाराष्ट्रात दसऱ्याचा सण म्हटलं की धार्मिक आणि सांस्कृतिक उत्साहाबरोबरच राजकीय मेळाव्यांचीही उत्सुकता वाढते. राज्यात यंदाही दसरा मेळाव्यांची जय्यत जय्यारी सुरू झाली असून, प्रत्येक पक्षाने आपली ताकद दाखवण्यासाठी मोठ्या प्रमाणात तयारी केली आहे. दसरा मेळावे हे केवळ परंपरेचा भाग नसून राजकीय ताकद मोजण्याचं एक प्रमुख व्यासपीठ मानलं जातं. त्यामुळे सत्ताधारी आणि विरोधक दोघांच्याही मेळाव्यांकडे संपूर्ण राज्याचं लक्ष लागलं आहे.
दसरा मेळावे हा महाराष्ट्राच्या राजकारणातील ऐतिहासिक भाग मानला जातो. यामध्ये विशेषतः शिवसेनेचा दसरा मेळावा दादरच्या शिवाजी पार्कमध्ये होतो आणि त्याला हजारोंच्या संख्येने कार्यकर्ते उपस्थित राहतात. हा मेळावा म्हणजे शिवसैनिकांसाठी ऊर्जेचा स्रोत असतो. यंदाही शिवसेनेचे गट वेगवेगळे मेळावे आयोजित करत असून, कोणाच्या मेळाव्याला अधिक प्रतिसाद मिळतो याकडे संपूर्ण राज्याचं लक्ष आहे.
फक्त शिवसेना नव्हे, तर बीड जिल्ह्यातील पंकजा मुंडे यांचा दसरा मेळावाही प्रचंड चर्चेत असतो. मराठवाड्यातील जनतेसाठी हा मेळावा म्हणजे एक मोठं सांस्कृतिक आणि राजकीय पर्व ठरतं. यंदा अतिवृष्टीमुळे शेतकऱ्यांचे मोठे नुकसान झाले आहे आणि त्या पार्श्वभूमीवर पंकजा मुंडे यांनी समर्थकांना मेळाव्यात येताना मदतीसाठी अन्नधान्य आणण्याचं आवाहन केलं आहे. त्यामुळे या मेळाव्याला सामाजिक आणि भावनिक किनार मिळाली आहे.
दसरा मेळाव्यांचा इतिहास बघितला तर राजकीय भूमिका स्पष्ट करण्यासाठी आणि आगामी निवडणुकांसाठी वातावरण निर्मिती करण्यासाठी हे मेळावे अत्यंत महत्त्वाचे ठरतात. नेत्यांचे भाषण, घोषणाबाजी, पक्षाची ताकद दाखवणारा जनसागर यामुळे या कार्यक्रमांना राज्यभरात प्रचंड प्रसिद्धी मिळते.
यंदाच्या दसऱ्यातील राजकीय मेळावे हे विशेष लक्षवेधी ठरण्याची शक्यता आहे. कारण आगामी काळात विधानसभा निवडणुका आणि लोकसभा निवडणुका पार पडणार आहेत. त्यासाठी पक्षांनी आत्तापासूनच रणनीती आखली असून, या मेळाव्यांमधून त्या रणनीतीची झलक दिसेल. मतदारांपर्यंत पोहोचण्यासाठी आणि कार्यकर्त्यांना एकत्र करण्यासाठी हे मेळावे मोठी भूमिका बजावतात.
धार्मिक सण आणि राजकीय मेळावे यांचा संगम महाराष्ट्रात नेहमीच पाहायला मिळतो. दसऱ्याच्या पारंपरिक सणाला जनतेचा मोठा उत्साह असतो, तर राजकीय मेळावे या उत्सवाला वेगळं राजकीय महत्त्व देतात. त्यामुळे राज्यात सध्या दसरा मेळाव्यांची जय्यत जय्यारी सुरू असून, येत्या काही दिवसांत राजकीय वातावरण अधिकच तापण्याची चिन्हं आहेत.
