Pune Crime: सिंहगड किल्ल्याजवळ बेपत्ता तरुणीचा दरीत मृतदेह; हवेली पोलिसांची थरारक रेस्क्यू मोहीम

पुण्यातील सिंहगड किल्ला परिसरातून बेपत्ता झालेल्या २८ वर्षीय तरुणीचा मृतदेह दरीत सापडला. हवेली पोलीस, आपत्ती व्यवस्थापन पथक, वनविभाग आणि अग्निशमन दलाच्या संयुक्त रेस्क्यू मोहिमेनंतर मृतदेह बाहेर काढण्यात यश.

पुणे ०१ एप्रिल २०२६ : पुणे जिल्ह्यातील सिंहगड किल्ला परिसरात घडलेल्या एका दुर्दैवी घटनेने परिसरात खळबळ उडाली आहे. दोन दिवसांपासून बेपत्ता असलेल्या २८ वर्षीय तरुणीचा मृतदेह किल्ल्याजवळील खोल दरीत सापडल्याची माहिती समोर आली आहे. मनीषा धर्मदास गायकवाड (रा. धनेगाव, नांदेड; सध्या बिजलीनगर, चिंचवड) असे मृत तरुणीचे नाव असून ती २८ एप्रिल २०२६ पासून बेपत्ता होती. तिचा मोबाईल फोन, बॅग आणि इतर वैयक्तिक साहित्य सिंहगड परिसरात आढळल्याने कुटुंबीयांनी तत्काळ हवेली पोलीस स्टेशन येथे हरवल्याची तक्रार नोंदवली होती.

तक्रारीनंतर वरिष्ठ पोलीस निरीक्षक वैशाली पाटील यांच्या मार्गदर्शनाखाली हवेली पोलिसांनी आपत्ती व्यवस्थापन रेस्क्यू टीमच्या मदतीने २९ एप्रिल रोजी रात्री उशिरापर्यंत शोधमोहीम राबवली. मात्र अंधार, कडा आणि दरीचा अवघड भूप्रदेश यामुळे ठोस पुरावे मिळू शकले नाहीत. परिस्थिती लक्षात घेता शोधमोहीम थांबवून दुसऱ्या दिवशी सकाळी पुन्हा सुरू करण्याचा निर्णय घेण्यात आला.

३० एप्रिल रोजी सकाळी सहाय्यक उपनिरीक्षक गिरे, प्रवीण ताकवणे आणि आपत्ती व्यवस्थापन पथकाने शोधकार्य पुन्हा सुरू केले. तोफखाना बुरुजाजवळ संशयास्पद चिन्हे दिसून आली. प्राथमिक पाहणीतून संबंधित तरुणीने बुरुजावरून खोल दरीत उडी घेतल्याचा अंदाज व्यक्त करण्यात आला. ही बाब प्रथम स्थानिक सहकार्यकर्ते कृष्णा मरगळे यांच्या निदर्शनास आली.

यानंतर तानाजी भोसले यांच्या नेतृत्वाखाली कृष्णा मरगळे, गणेश सपकाळ, संदीप सोळसकर, संजय चोरगे, उत्तम पिसाळ, संतोष भगत, तेलवडे, वैभव भोसले आदींनी रेस्क्यू मोहीम हाती घेतली. रॅपलिंग तंत्राचा वापर करून दोरांच्या साहाय्याने खोल दरीत उतरून मृतदेहापर्यंत पोहोचण्यात पथकाला यश आले. अत्यंत धोकादायक उतार, सैल दगड आणि उंचीचा धोका असूनही पथकाने संयम आणि कौशल्य दाखवत मोहीम पूर्ण केली.

या संपूर्ण कारवाईत वनविभागाचे समाधान पाटील, वायकर तसेच बळीराम वायकर, संदीप कोळी, कैलास झरांडे, नितीन गोळे, राजू बडदे, रोशन पन्हाळकर यांनी सहकार्य केले. अग्निशमन दलातील प्रेमसागर राठोड, ज्ञानेश्वर बुधवंत, तुषार पवार, प्रवीण देसाई, अमोल यादव, सिद्धांत जाधव, अजय सावंत, ज्ञानेश्वर जाधव यांनीही मदत केली. विविध यंत्रणांच्या समन्वयातून ही कठीण मोहीम यशस्वी झाली.

प्राथमिक तपासातून आत्महत्येचा अंदाज व्यक्त करण्यात येत असला तरी मृत्यूचे नेमके कारण अद्याप स्पष्ट झालेले नाही. घटनास्थळावरील पुरावे, मोबाईल फोन आणि इतर साहित्य यांची तपासणी सुरू असून पुढील तपास हवेली पोलीस करत आहेत. या घटनेमुळे किल्ला परिसरातील सुरक्षेबाबतही प्रश्न उपस्थित होत आहेत. पर्यटकांची गर्दी असलेल्या ठिकाणी सुरक्षितता उपाय अधिक बळकट करण्याची गरज असल्याचे स्थानिकांकडून व्यक्त केले जात आहे.

दरम्यान, या दुर्दैवी घटनेमुळे कुटुंबीयांवर दुःखाचा डोंगर कोसळला असून परिसरात शोककळा पसरली आहे. प्रशासनाने घटनास्थळी आवश्यक ती खबरदारी घेत तपास सुरू ठेवला आहे.

Follow us on our social media handles:
Instagram – https://www.instagram.com/newsdotz/
YouTube – https://www.youtube.com/@NewsDotz
Facebook – https://www.facebook.com/NewsDotz/

Twitter – https://x.com/NewsDotz

Also Read: Pune’s Latest Information

FacebookWhatsAppXTelegramThreadsLinkedInGmailShare

About The Author

Sayali Memane

Sayali Memane is a Pune-based journalist at NewsDotz, covering Maharashtra news, current affairs, and trending updates. She focuses on clear, factual, and fast digital reporting, delivering reliable news content tailored for modern audiences across platforms.

See author's posts