राजस्थानमध्ये जुन्या शाळेची छप्पर कोसळल्याने ४ निरागस विद्यार्थ्यांचा मृत्यू झाला असून अनेक अजूनही ढिगाऱ्याखाली अडकल्याची भीती व्यक्त केली जात आहे. बचावकार्य वेगात सुरू आहे.
सायली मेमाणे
पुणे २५ जुलै २०२५ : राजस्थानमध्ये आज एक हृदयद्रावक घटना घडली आहे. एका जुन्या शाळेच्या इमारतीचे छप्पर कोसळल्यामुळे चार निरागस विद्यार्थ्यांचा मृत्यू झाला आहे, तर इतर अनेकजण अजूनही ढिगाऱ्याखाली अडकल्याची भीती व्यक्त केली जात आहे.
ही दुर्दैवी घटना शाळा सुरू असतानाच घडली, जेव्हा वर्गात बसलेले विद्यार्थी अचानक कोसळलेल्या छपराखाली आले. स्थानिक प्रशासन, अग्निशमन दल आणि आपत्ती व्यवस्थापन पथक घटनास्थळी दाखल झाले असून, बचावकार्य वेगाने सुरू आहे. ढिगाऱ्याखालून अजूनही काही जणांना बाहेर काढण्याचे प्रयत्न सुरू आहेत.
सध्या या दुर्घटनेमुळे परिसरात हळहळ व्यक्त केली जात असून, पालकांमध्ये भीतीचे आणि शोकाचे वातावरण पसरले आहे. प्राथमिक माहितीनुसार, ही शाळा अत्यंत जीर्ण अवस्थेत होती आणि इमारतीची दुरुस्ती किंवा पुनर्बांधणी होणे आवश्यक होते. मात्र, वेळेवर उपाययोजना न झाल्यामुळे हा जीवघेणा अपघात घडल्याचे बोलले जात आहे.
मुख्यमंत्र्यांनी या घटनेबाबत तीव्र दुःख व्यक्त केले असून, मृतांच्या कुटुंबीयांना आर्थिक मदतीची घोषणा केली आहे. तसेच दोषी अधिकाऱ्यांवर कारवाई केली जाईल असे आश्वासन त्यांनी दिले आहे. या अपघातानंतर राज्यातील सर्व जुन्या शाळा इमारतींची तपासणी करण्याचे आदेशही देण्यात आले आहेत.
ही घटना केवळ एक अपघात न राहता, दुर्लक्षामुळे घडलेली शोकांतिका असल्याचे अनेक नागरिक आणि सामाजिक संघटनांचे म्हणणे आहे. शाळेतील मुलांचे सुरक्षिततेबाबत शासनाने अधिक जबाबदारीने पावले उचलावीत, अशी मागणी जोर धरू लागली आहे.
Do-follow Links:
Instagram
YouTube
Facebook
Twitter